• بانی: میرخلیل الرحمٰن
  • گروپ چیف ایگزیکٹووایڈیٹرانچیف: میر شکیل الرحمٰن

آزاد کشمیر میں کورونا کے 87 مریض رہ گئے، راجہ فاروق حیدر

وزیراعظم آزاد کشمیر راجہ فاروق حیدر خان کا کہنا ہے کہ حکومت کی بہترین حکمت عملی سے آزاد کشمیر میں کورونا کے صرف 87 مریض رہ گئے ہیں۔

راجہ فاروق حیدر کی زیر صدارت اسٹیٹ کوآرڈینیشن کمیٹی کا اجلاس ہوا، جس میں حفاظتی اقدامات کو مدنظر رکھتے ہوئے تعلیمی ادارے کھولنے کا فیصلہ کیا گیا ہے۔

 وزیر اعظم آزاد کشمیر نے کہا کہ تمام سرکاری اور نجی تعلیمی اداروں کو ڈس انفیکٹ کیا جائے گا، تمام تعلیمی اداروں میں ایس او پیز پر عملدرآمد یقینی بنایا جائے گا۔

 راجہ فاروق حیدر نے کہا کہ پہلے مرحلے میں یونیورسٹیز، میڈیکل اور ڈگری کالجز اور ہائی اسکولوں میں بڑی کلاسز کا اجراء ہوگا۔

انہوں نے کہا کہ کورونا وائرس کے دس مریض اسپتالوں میں اور 77 مریض  گھروں میں آئسولیشن میں ہیں۔

 وزیراعظم آزاد کشمیر نے کہا کہ آزاد کشمیر میں 24 گھنٹوں میں کورونا کا صرف ایک مریض سامنے آیا ہے۔

 راجہ فاروق حیدر نے کہا کہ آزاد کشمیر میں کورونا سے کل 2306 افراد متاثر اور 65 جاں بحق ہوئے ہیں۔

قومی خبریں سے مزید