آپ آف لائن ہیں
منگل4؍صفر المظفّر 1442ھ 22؍ستمبر 2020ء
  • بانی: میرخلیل الرحمٰن
  • گروپ چیئرمین و ایگزیکٹوایڈیٹر: میر جاوید رحمٰن
  • گروپ چیف ایگزیکٹووایڈیٹرانچیف: میر شکیل الرحمٰن
Jang Group

بنگلا دیش : کشتیوں کا خوفناک تصادم ، 10 افراد جاں بحق

بنگلادیش میں دو مسافر بردار کشتیاں آپس میں ٹکرا گئیں جس کے نتیجے میں 10 افراد ڈوب کر جاں بحق ہوگئے جبکہ 15 لاپتہ ہیں۔

بنگلا دیش کے ضلع نیٹروکانا کے دریائے گومالی میں ایک مسافر بردار کشتی کو موٹر سے چلنے والی کشتی نے زوردار ٹکر مار دی جس سے کشتی الٹ گئی اور 35 مسافر دریا میں ڈوب گئے۔

ریسکیو ادارے کے غوطہ خوروں نے دریا میں سے 5 خواتین اور 5 بچوں کی لاشیں نکالی ہیں جبکہ 15 افراد تاحال لاپتہ ہیں۔

غوطہ خوروں نے 10 افراد کو زندہ نکالا ہے جنہیں قریبی اسپتال میں طبی امدد فراہم کی جارہی ہے۔

زندہ بچ جانے والے افراد میں سے 4 کی حالت نازک بتائی جارہی ہے، اسپتال انتظامیہ نے ہلاکتوں میں اضافے کا خدشہ ظاہر کیا ہے۔

یاد ر ہے کہ کشتی میں سوار زیادہ تر افراد کا تعلق ایک ہی خاندان سے ہے تاہم کشتی کی منزل اور سفر کی وجہ معلوم نہیں ہوسکی ہے۔

بین الاقوامی خبریں سے مزید