آپ آف لائن ہیں
جمعہ8؍ جمادی الثانی 1442ھ 22؍ جنوری2021ء
  • بانی: میرخلیل الرحمٰن
  • گروپ چیئرمین و ایگزیکٹوایڈیٹر: میر جاوید رحمٰن
  • گروپ چیف ایگزیکٹووایڈیٹرانچیف: میر شکیل الرحمٰن
Jang Group

مریم نواز نے FBR کا نوٹس چیلنج کر دیا

سابق وزیرِ اعظم میاں نواز شریف کی صاحبزادی اور مسلم لیگ نون کی رہنما مریم نواز نے ایف بی آر کے انکم سپورٹ لیوی ٹیکس کے نوٹس کو لاہور ہائی کورٹ میں چیلنج کر دیا۔

مریم نواز نے لاہور ہائی کورٹ کے سنگل بنچ کے فیصلے کے خلاف اپیل دائر کر دی۔

مریم نواز کی جانب سے اپنی درخواست میں ایف بی آر سمیت دیگر کو فریق بنایا گیا ہے۔

مریم نواز کی درخواست میں کہا گیا ہے کہ ایف بی آر نے 6 لاکھ 57 ہزار کے انکم سپورٹ لیوی ٹیکس کے نوٹسز بھجوائے ہیں، قانون کے مطابق سارے ٹیکسز ادا کر رہی ہوں۔

انہوں نے اپنی درخواست میں مؤقف اپنایا ہے کہ تمام ٹیکسز ادا کرنے کے باوجود ایف بی آر نے ریکوری کے نوٹس بھجوا دیئے ہیں۔

یہ بھی پڑھیئے:۔

مریم نواز اور نصرت شہباز شریف کو انکم ٹیکس ادائیگی کے نوٹس

میرے باپ کو جیل میں کیا کھانا دیا گیا، مریم نواز

درخواست گزار مریم نواز کا مزید کہنا ہے کہ لاہور ہائی کورٹ کے سنگل بنچ نے ریکارڈ کا درست جائزہ لیے بغیر درخواست خارج کی۔

نون لیگی رہنما مریم نواز نے درخواست میں استدعا کی ہے کہ لاہور ہائی کورٹ سنگل بنچ کا فیصلہ اور ایف بی آر کی جانب سے بھجوائے گئے نوٹسز کالعدم قرار دے۔

قومی خبریں سے مزید