آپ آف لائن ہیں
پیر3؍صفر المظفّر 1442ھ 21؍ستمبر 2020ء
  • بانی: میرخلیل الرحمٰن
  • گروپ چیئرمین و ایگزیکٹوایڈیٹر: میر جاوید رحمٰن
  • گروپ چیف ایگزیکٹووایڈیٹرانچیف: میر شکیل الرحمٰن
Jang Group

جرات مندانہ اقدامات نے معیشت کو مضبوط قدموں پر کھڑا کردیا، گورنر اسٹیٹ بینک


گورنر اسٹیٹ بینک رضا باقر نے کہا ہے کہ حکومت کے جرات مندانہ اقدامات نے معیشت کو مضبوط قدموں پر کھڑا کردیا۔

ان خیالات کا اظہار انھوں نے امریکا میں پاکستانی سفارتخانے کی جانب سے منعقدہ ویبنار میں اظہارخیال کرتے ہوئے کیا۔

گورنر اسٹیٹ بینک کا کہنا تھا کہ حکومت کے ٹھوس اقدامات کی بدولت کورونا وائرس کے کیسز میں خاصی کمی آئی۔

انھوں نے کہا کہ ملک میں لاک ڈاؤن میں نرمی کردی گئی ہے، آگے چل کر معیشت استحکام کی راہ پر گامزن ہوگی۔

گورنر اسٹیٹ بینک نے کہا کہ اسٹیٹ بینک ڈیجیٹل مالی ایکوسسٹم کی فراہمی کے لیے پُرعزم ہے۔

رضا باقر کا کہنا تھا کہ وزیراعظم کے روشن ڈیجیٹل اکاؤنٹ سے بہت پُرامید ہیں۔

ان کا یہ بھی کہنا تھا کہ جرأت مندانہ اقدامات نے معیشت کو مضبوط قدموں پر کھڑا کر دیا۔

تجارتی خبریں سے مزید