آپ آف لائن ہیں
بدھ10؍ربیع الاوّل 1442ھ28؍اکتوبر 2020ء
  • بانی: میرخلیل الرحمٰن
  • گروپ چیئرمین و ایگزیکٹوایڈیٹر: میر جاوید رحمٰن
  • گروپ چیف ایگزیکٹووایڈیٹرانچیف: میر شکیل الرحمٰن
Jang Group

منشیات کے استعمال پر کرن جوہر سمیت دیگر اداکاروں کیخلاف مقدمہ درج

ممبئی (مانیٹرنگ ڈیسک)تقریب میں کُھلے عام منشیات کا استعمال کرنے پر نارکوٹکس کنٹرول بیورو (این سی بی) نے بھارتی پروڈیوسر اور ہدایتکار کرن جوہر سمیت دیگر اداکاروں کے خلاف مقدمہ درج کرلیا ہے۔ سشانت سنگھ راجپوت خودکشی کیس میں جہاں آئے دن نئے نئے انکشافات ہو رہے ہیں تو وہیں بولی وڈ کے اندرونی رازوں سے بھی پردہ اُٹھایا جارہا ہے۔بھارتی میڈیاکی ایک رپورٹ کے مطابق دہلی کے سابق ایم ایل اے منجندر سنگھ سرسا نے ان بھارتی اداکاروں کے خلاف نارکوٹکس کنٹرول بیورو (این سی بی) کے پاس ایف آئی آر درج کی ہے جنہوں نے سال 2019 میں کرن جوہر کی میزبانی میں ایک تقریب میں شرکت کی تھی اور اُس تقریب میں کُھلے عام منشیات کا استعمال کیا گیا تھا۔بھارتی میڈیا کے مطابق اس تقریب میں کرن جوہر کے قریبی ساتھیوں نے شرکت کی تھی جن میں دپیکاپڈوکون، رنبیر کپور، وکی کوشل، ارجن کپور، ملائیکہ اروڑا، شاہد کپور اور فلمساز ایان مکرجی سمیت کئی مشہور شخصیات شامل تھیں۔دہلی کے سابق ایم ایل اے منجندر سنگھ سرسا نے زور دیا کہ اس معاملے کی

جانچ پڑتال کی جائے کیونکہ اس کے نتیجے میں اداکار سشانت سنگھ راجپوت کے خودکشی کیس میں مزید انکشافات بھی ظاہر ہوسکتے ہیں۔بھارتی میڈیا کو بیان دیتے ہوئے سابق ایم ایل اے نے کہا کہ تقریب کی وائرل ہونے والی ویڈیو کے بارے میں انہوں نے گزشتہ سال ممبئی پولیس کو شکایت درج کروائی تھی لیکن انہوں نے اس کی تحقیقات کے لیے کوئی سخت کارروائی نہیں کی۔

دل لگی سے مزید