آپ آف لائن ہیں
جمعرات11؍ ربیع الاوّل 1442ھ 29اکتوبر2020ء
  • بانی: میرخلیل الرحمٰن
  • گروپ چیئرمین و ایگزیکٹوایڈیٹر: میر جاوید رحمٰن
  • گروپ چیف ایگزیکٹووایڈیٹرانچیف: میر شکیل الرحمٰن
Jang Group

آصف زرداری کا بھی آل پارٹیز کانفرنس میں شرکت کا فیصلہ


نواز شریف کے بعد پیپلز پارٹی کے شریک چیئرمین آصف زرداری نے بھی اپوزیشن کی آل پارٹیز کانفرنس میں شرکت کرنے کا فیصلہ کرلیا۔

پاکستان پیپلز پارٹی کے چیئرمین بلاول بھٹو نے آصف زرداری کی شرکت کی تصدیق کردی۔

آصف زرداری ویڈیو لنک کے ذریعے اے پی سی میں شریک ہوں گے، نواز شریف بھی گذشتہ روز بلاول کی دعوت پر اے پی سی میں ویڈيو لنک کے ذریعے شرکت پر آمادگی ظاہر کرچکے ہیں۔

حکومت مخالف اپوزيشن اتحاد کی آل پارٹیز کانفرنس کل پیپلز پارٹی کی میزبانی میں اسلام آباد میں ہوگی۔

کل جماعتی کانفرنس میں شرکت کرنے سے جماعت اسلامی نے معذرت کرلی ہے۔

نواز شریف کا ورچوئل خطاب دکھانے کے لیے اقدامات

مسلم لیگ (ن) نے اپنے قائد نواز شریف کا آل پارٹیز کانفرنس (اے پی سی) سے خطاب دکھانے کے لیے اقدامات تیز کردیے ہیں۔

ن لیگ کی نائب صدر مریم نواز نے کہا ہے کہ نواز شریف کا اے پی سی سے ورچوئل خطاب عوام کو دکھانے کے اقدامات کررہے ہیں۔

انہوں نے کہا کہ سابق وزیراعظم کا خطاب سوشل میڈیا پلیٹ فارم کے ذریعے سے دکھایا جائے گا۔

گزشتہ روز پیپلز پارٹی کے چیئرمین بلاول بھٹو زرداری نے نوازشریف سے ٹیلیفونک رابطہ کیا تھا۔

انہوں نے سابق وزیراعظم سے ان کی طبیعت کے بارے میں استفسار کیا اور ملکی سیاسی صورتحال پر تبادلہ خیال کیا۔

پیپلز پارٹی کے مطابق بلاول بھٹو نے نوازشریف کو اے پی سی میں ورچوئل طریقے سے شرکت کی دعوت دی جو انہوں نے قبول کرلی تھی۔

مریم نواز نے بھی اب نواز شریف کی اے پی سی میں شرکت کی تصدیق کردی ہے اور سابق وزیراعظم کا خطاب دکھانے سے متعلق اقدامات شروع کردیے ہیں۔

قومی خبریں سے مزید