آپ آف لائن ہیں
جمعرات11؍ ربیع الاوّل 1442ھ 29اکتوبر2020ء
  • بانی: میرخلیل الرحمٰن
  • گروپ چیئرمین و ایگزیکٹوایڈیٹر: میر جاوید رحمٰن
  • گروپ چیف ایگزیکٹووایڈیٹرانچیف: میر شکیل الرحمٰن
Jang Group

بلاول بھٹو کی دعوت پر نواز شریف اے پی سی میں شرکت پر رضا مند، پی پی


پیپلز پارٹی کے چیئرمین بلاول بھٹو زرداری نے سابق وزیراعظم نواز شریف سے رابطہ کیا ہے۔

سماجی رابطے کی ویب سائٹ پر جاری بیان میں بلاول بھٹو زرداری نے کہا کہ کچھ دیر قبل میاں محمد نواز شریف سے بات ہوئی ہے۔

انہوں نے مزید کہا کہ دوران گفتگو نواز شریف سے ان کی خیریت دریافت کی اور انہیں 20 ستمبر کی آل پارٹیز کانفرنس (اے پی سی) میں ورچوئل شرکت کی دعوت دی ہے۔

پیپلز پارٹی کے ذرائع کے مطابق بلاول بھٹو کی دعوت پر میاں نواز شریف نے اے پی سی میں ورچوئل شرکت پر رضا مندی ظاہر کردی۔

نواز شریف کی صاحبزادی مریم نواز نے بلاول بھٹو کے پیغام کو ری ٹوئٹ کرتے ہوئے لکھا کہ بلاول بھٹو زرداری آپ کا شکریہ، آپ کے لیے نیک خواہشات اور دعائیں۔

اس سے قبل اطلاعات آئیں تھی کہ 20 ستمبر کی اے پی سی کے حوالے سے اپوزیشن جماعتوں کو دعوت نامے بھجوائے جاچکے ہیں جبکہ حزب اختلاف کی جماعتوں نے اپنے وفود کے نام بھی فائنل کرلیے ہیں اور اس کانفرنس کا حتمی ایجنڈا بھی طے پاچکا ہے۔

قومی خبریں سے مزید