آپ آف لائن ہیں
پیر 8؍ ربیع الاوّل1442ھ 26؍اکتوبر2020ء
  • بانی: میرخلیل الرحمٰن
  • گروپ چیئرمین و ایگزیکٹوایڈیٹر: میر جاوید رحمٰن
  • گروپ چیف ایگزیکٹووایڈیٹرانچیف: میر شکیل الرحمٰن
Jang Group

دبئی میں چار سمتوں کی جانب جانے والا انوکھا پل کھول دیا گیا

کراچی (نیوز ڈیسک) دبئی کی روڈ اینڈ ٹرانسپورٹ اتھارٹی نے ہفتے کے روز متحدہ عرب امارات میں اپنی نوعیت کے انوکھے پل کو لوگوں کے لیے کھول دیا۔ اس پل کے چار راستے ہیں جو ایک گھنٹے میں 8 ہزار لوگوں کے گزرنے کے لیے بنایا گیا ہے۔چار سمتوں کی جانب جانے والا یہ پل دبئی مرینا کے دروازے پر الغربی اسٹریٹ کے ساتھ شاہ سلمان بن عبد العزیز آل سعود اسٹریٹ کے چوراہے پر واقع ہے۔اس پل میں چار ایسکلیٹرز ہیں جو اس چوراہے کی چاروں اطراف سے ملتے ہیں۔یہ پل 75 میٹر تک پھیلا ہوا ہے اور ہر سمت میں فی گھنٹہ 8 ہزار لوگ اس پر سے گزر سکتے ہیں۔روڈ اور ٹرانسپورٹ اتھارٹی کے بورڈ آف ڈائریکٹرز کے ڈائریکٹر جنرل مطر الطائر کا کہنا تھا کہ مرینا میں اتنا بڑا پل بنانے کا فیصلہ کئی وجوہات کی بنا پر لیا گیا ہے۔ اس چوراہے پر رش کے وقت ہر سمت میں 23 سو لوگ اور 2 ہزار گاڑیاں گزرتی ہیں۔ مزیدبرآں، اس چوراہے سے ہر 6 منٹ بعد ایک ٹرام گزرتے ہے، اور اس جگہ پر دو ٹرین اسٹیشن اور ایک بس اسٹاپ واقع ہے لیکن اس چوراہے کے قریب پیدل چلنے والوں کے لیے کوئی پل نہیں ہے۔

اہم خبریں سے مزید