ممبئی :280ملی میٹر بارش کے بعد نظام زندگی درہم برہم

بھارت کے شہر ممبئی میں اس سیزن کی سب سے زیادہ ہونے والی بارش کے بعد نظام زندگی درہم برہم ہو کر رہ گیا ہے۔

ممبئی میں گزشتہ روز280 ملی میٹر ہونے والی بارش نے سڑکوں کو تالاب بنادیا ،کئی علاقوں میں پانی جمع ہونے سے ٹریفک کا نظام درہم برہم ہوگیا۔

بارش کے باعث ٹرین کی پٹریاں بھی پانی میں ڈوب گئیں ، متعدد ٹرینیں منسوخ کرنی پڑ گئیں جبکہ بارش کا پانی ایک اسپتال کے اندر بھی داخل ہوگیا۔

بھارت میں سیلابی صورتحال،24 افراد ہلاک

بھارت کی مختلف ریاستوں میں بارش اور سیلاب کے باعث بدترین صورتحال پیدا ہوگئی، مختلف حادثات میں مدھیہ پردیش اور اڑیسہ میں 24 افراد ہلاک ہوگئے۔

انتظامیہ نے الرٹ جاری کردیا ہے جبکہ شہر میں آج مزید بارش کی پیشگوئی کی گئی ہے۔