بھارت میں سیلابی صورتحال،24 افراد ہلاک

بھارت کی مختلف ریاستوں میں بارش اور سیلاب کے باعث بدترین صورتحال پیدا ہوگئی، مختلف حادثات میں مدھیہ پردیش اور اڑیسہ میں 24 افراد ہلاک ہوگئے۔

بھارت میں 44 سال میں اگست کے ماہ میں معمول سے 25 فیصد زائد بارشیں ہوئیں، جس کے سبب بھارت کے وسطی حصے کو ڈیم بھرنے کے بعد سیلابی صورتحال کا سامنا ہے۔

مدھیہ پردیش میں سیلابی صورتحال کے باعث 12 اضلاع متاثر ہوئے،9 ہزار افراد کا انخلاء کیاگیا ہے۔

اڑیسہ میں 500 گاؤں زیر آب آنے سے 8 لاکھ افراد متاثر ہوئے ہیں ، اڑیسہ میں 50 ہزار افراد کو محفوظ مقام پر منتقل کیا گیا ہے۔