نالائق حکومت نے عوام سے جینے کا حق تک چھین لیا، مولابخش چانڈیو

پیپلز پارٹی کے سیکریٹری اطلاعات سینیٹر مولابخش چانڈیو نے کہا ہے کہ ان کی جماعت ادویات کی قیمتوں میں ظالمانہ اضافہ مسترد کرتی ہے، نااہل اور نالائق حکومت نے عوام سے جینے کا حق تک چھین لیا ہے۔

پاکستان پیپلزپارٹی (پی پی پی) نے ادویات کی قیمتوں میں اضافہ فوری واپس لینے کا مطالبہ کیا ہے۔

حکومت نے 94 دواؤں کی قیمتوں میں اضافے کی منظوری دے دی

اینٹی بائیوٹکس، پیٹ درد، آنکھ، کان، دانت، منہ، جلد کے امراض، زچگی کے بعد استعمال ہونے والی ادویات سمیت مختلف دواؤں کی قیمتیں بڑھ جائیں گی۔

مولا بخش چانڈیو نے کہا کہ عمران خان اپنے مالی سہولت کاروں کی جیبیں بھرنے اور عوام کو لوٹنے کے ایجنڈے پر عمل پیرا ہیں۔

انہوں نے کہا کہ یہ کیسی حکومت ہے جو آئے روز آٹے، چینی، گھی، دالیں یہاں تک کہ ادویات تک مہنگی کر رہی ہے۔

شہباز شریف کا ادویات کی قیمتوں میں اضافہ واپس لینے کا مطالبہ

اپنے ایک بیان میں شہباز شریف کا کہنا تھا کہ حکومت نے کینسر کے مریضوں کی مفت ادویات تک بند کردیں۔

مولا بخش چانڈیو نے کہا کہ ثابت ہوگیا کہ یہ مافیاز کی حکومت ہے، جو مافیاز سے ہے اور مافیاز کے لیے ہے۔