آپ آف لائن ہیں
اتوار7؍ ربیع الاوّل1442ھ 25؍اکتوبر2020ء
  • بانی: میرخلیل الرحمٰن
  • گروپ چیئرمین و ایگزیکٹوایڈیٹر: میر جاوید رحمٰن
  • گروپ چیف ایگزیکٹووایڈیٹرانچیف: میر شکیل الرحمٰن
Jang Group

حکومت نے 94 دواؤں کی قیمتوں میں اضافے کی منظوری دے دی


وفاقی حکومت نے عوام کو مہنگائی کا ڈبل ڈوز دے دیا، 94 دواؤں کی قیمتوں میں 9 سے 262 فیصد تک اضافے کی منظوری دے دی۔

وفاقی کابینہ کی منظوری کے بعد بخار، سردرد، امراض قلب، ملیریا، شوگر، گلے میں خراش اور فلو کی دوائیں مہنگی ملیں گی۔

اینٹی بائیوٹکس، پیٹ درد، آنکھ، کان، دانت، منہ، جلد کے امراض، زچگی کے بعد استعمال ہونے والی ادویات سمیت مختلف دواؤں کی قیمتیں بڑھ جائیں گی۔


دوسری طرف یوٹیلٹی اسٹورز پر گھی اور کوکنگ آئل سمیت متعدد اشیا مہنگی کردی گئیں۔

کوکنگ آئل 17 روپے فی لیٹر مہنگا ملے گا، جبکہ گھی کی قیمت میں چار روپے اضافہ کیا گیا ہے۔

برانڈڈ شیمپو کی قیمت میں 9 روپے سے 20 روپے تک اضافہ کیاگیا ہے، دودھ اور ٹی وائٹنر کی قیمت بھی پانچ روپے تک بڑھ گئی، بچوں کیلئے سیریلز کی قیمت میں 20 سے 38 روپے تک کا اضافہ کیا گیا۔

قومی خبریں سے مزید