اسلام آباد: شاہراہ دستور پر ہندو کمیونٹی کا دھرنا ختم

بھارت کے شہر جودھ پور میں 11 پاکستانی ہندوؤں کی پراسرار موت پر ہندو کمیونٹی کا اسلام آباد میں شاہراہ دستور پر دھرنا رات گئے ختم کر دیا گیا، دھرنے کی جگہ پر صفائی ستھرائی کا کام جاری ہے ۔

بھارتی شہر جودھ پور میں 11 پاکستانیوں کی پرسرار ہلاکت کے خلاف ڈپلومیٹک انکلیو کے باہر جمعرات اور جمعے کی درمیانی شب سے شروع ہونے والا جاری ہندو کمیونٹی کا احتجاجی دھرنا گزشتہ رات ختم کر دیا گیا ۔

11 پاکستانی ہندوؤں کا بھارت میں قتل، اسلام آباد میں دھرنا

مظاہرین کا کہنا ہے کہ وہ پرامن ہیں اپنا حق مانگنے آئے ہیں ، کسی سفارت خانے کو نقصان نہیں پہنچائیں گے، بھارتی ہائی کمیشن کے سامنے دھرنا دینے کی اجازت دی جائے۔

چیئرمین پاکستان ہندو کونسل اور رکن قومی اسمبلی ڈاکٹر رمیش کمار نے دھرنا ختم کرنے کا اعلان کیا جس کے بعد پاکستان بھر سے آئے ہندو کمیونٹی کے افراد اپنے علاقوں کو واپس روانہ ہوگئے۔

دھرنے کے مقام پر صبح سویرے صفائی کا کام شروع کر دیا گیا ہے، دھرنے کیلئے لگائی گئی کرسیا ں بھی ہٹائی جارہی ہیں ۔

بھارت میں پاکستانی ہندوئوں کا قتل، اسلام آباد میں ہندو کمیونٹی کا بڑا دھرنا

اسلام آباد(نمائندہ جنگ)بھارت کے ضلع جودھ پور میں...

واضح رہے کہ پاکستان ہندو کونسل نے بھارتی ہائی کمیشن کے سامنے پہنچ کر اپنا احتجاج ریکارڈ کرایا،ہائی کمیشن کے گیٹ سے ان کے نمائندے کو اپنی قرارداد جمع کرائی اور قرارداد کی ایک کاپی بھارتی ہائی کمیشن کے گیٹ پر بھی لگائی گئی۔