آپ آف لائن ہیں
جمعہ12؍ربیع الاوّل 1442ھ 30؍اکتوبر2020ء
  • بانی: میرخلیل الرحمٰن
  • گروپ چیئرمین و ایگزیکٹوایڈیٹر: میر جاوید رحمٰن
  • گروپ چیف ایگزیکٹووایڈیٹرانچیف: میر شکیل الرحمٰن
Jang Group

مختلف حادثات، واقعات میں بچی سمیت 3 افراد جاں بحق، ایک زخمی

کراچی(اسٹاف رپورٹر)مختلف علاقوں میں کمپریسر پھٹنے ،کرنٹ لگنے اور ٹرین کی ٹکر سے کمسن بچی سمیت3فراد جاں بحق اور ایک زخمی ہو گیا ۔تفصیلات کے مطابق ملیر بکرا پیڑی طیبی مسجد کے قریب پنکچر کی دکان میں کمپریسر پھٹنے سے ایک شخص وسیع رضوی جاں بحق جبکہ دکان کا مالک عبدالرحیم زخمی ہو گیا ، پولیس کے مطابق ابتدائی طور پر معلوم ہو ا ہے کہ کمپریسر ایئر پریشر کی وجہ سے پھٹا ہے۔ اورنگی ٹاؤن جوہرچوک کے قریب کرنٹ لگنے سے 8سالہ بچی رانیہ دخترصادق جاں بحق ہو گئی ۔بھینس کالونی جمعہ گوٹھ ریلوے ٹریک پر ٹرین کی ٹکر سے نامعلوم شخص جاں بحق ہو گیا ،جس کی لاش جناح اسپتال منتقل کی گئی، پولیس کے مطابق عمر35سال لگتی ہے۔

شہر قائد/ شہر کی آواز سے مزید