نیب نے نواز شریف کے اثاثوں کی تفصیلات ظاہر کر دیں

توشہ خانہ ریفرنس میں اشتہاری ملزم نواز شریف کی کتنی زمین اور کتنی ملز میں کتنے شیئرز ہیں ان سب کی مکمل تفصیلات سامنے آ گئیں، الیکشن کمیشن، ایف بی آر اور ایس ای سی پی نے نیب کو ریکارڈ فراہم کردیا جس کے مطابق نواز شریف کے 4 کمپنیوں میں شیئرز ہیں۔

نیب کے تفتیشی افسر محمد راحیل اعظم نے احتساب عدالت میں رپورٹ جمع کرائی جس میں انہوں نے بتایا کہ نواز شریف کے اثاثوں کیلئے الیکشن کمیشن،ایف بی آر اور ایس ای سی پی کوخطوط لکھے تھے۔

توشہ خانہ ریفرنس، زرداری، گیلانی پر فرد جرم، نواز شریف مفرور، گرفتاری کیلئے انٹرپول سے رابطے کاحکم، جائیداد کی تفصیلات طلب

اسلام آباد (نیوز ایجنسیاں،جنگ نیوز) احتساب عدالت...

نیب رپورٹ کے مطابق محمد بخش ٹیکسٹائل ملز میں نواز شریف کے 4 لاکھ 67 ہزار 950 شیئرز ہیں، حدیبیہ پیپر ملز میں نواز شریف 3لاکھ 43 ہزار 425 شیئرز کے مالک،جبکہ حدیبیہ انجینئرنگ کمپنی میں نواز شریف کے شیئرز کی تعداد 22 ہزار 213 ہے۔

رپورٹ میں بتایا گیا ہے کہ اتفاق ٹیکسٹائل ملز میں نواز شریف 48ہزار 606 شیئرز کے مالک ہیں، نواز شریف کے مختلف نجی بینکس میں 3 غیر ملکی کرنسی سمیت 8 اکاؤنٹس ہیں، ان کے 5 بینک اکاؤنٹس میں 6 لاکھ 12 ہزار روپے موجود ہیں۔

نیب رپورٹ کے مطابق غیر ملکی کرنسی والے اکاؤنٹس میں 566 یورو، 698 امریکی ڈالرز اور 498 برطانوی پاؤنڈز موجود ہیں۔

رپورٹ میں نیب کاکہنا ہے کہ ایل ڈی اے، لاہور اور شیخو پورہ کے ایڈیشنل ڈپٹی کمشنرز، مری کے اسسٹنٹ کمشنر اور گلیات ڈویلپمنٹ اتھارٹی نے بھی رپورٹ دی ہے، نواز شریف اور ان کے زیر کفالت افراد کے نام لاہور، شیخو پورہ ، مری اور ایبٹ آباد میں جائیدادیں ہیں جبکہ مری میں بنگلہ، چھانگلہ گلی ایبٹ آباد میں 15 کینال کا مکان اور اپر مال لاہور پر جائیداد شامل ہے۔

نیب رپورٹ میں نواز شریف اور ان کے زیر کفالت افراد کے نام 1752 کینال سے زائد زرعی اراضی شامل ہے، لاہور کے موضع مانک میں 936 کینال، موضع بڈو کسانی میں 299 کینال زرعی اراضی شامل ہے۔

توشہ خانہ ریفرنس، نواز شریف کی جائیداد ضبط کرنے کا حکم

توشہ خانہ ریفرنس میں احتساب عدالت کی جانب سے سابق وزیر اعظم نوازشریف کی جائیداد، اثاثے ضبط کرنے کا حکم دیا گیا ہے۔

رپورٹ میں بتایا گیا ہے کہ لاہور کے موضع مال رائے ونڈ میں 103 کینال، موضع سلطان کے میں 312 کینال ،ضلع شیخو پورہ کے موضع منڈیالی میں 14 کینال اور موضع فیروز وطن میں 88 کینال اراضی شامل ہے۔

ایکسائز اینڈ ٹیکسیشن آفس لاہور اور اسلام آباد کے مطابق نواز شریف کے نام پر 3 گاڑیاں اور 2 ٹریکٹرز رجسٹرڈ ہیں جن میں 1لینڈ کروزر، 2 مرسڈیز بھی شامل ہیں۔