ماہرہ خان کو کراچی سے بے پناہ محبت

پاکستانی اداکارہ ماہرہ خان نے کراچی سے اپنی بے پناہ محبت کا کھل کر اظہار کردیا۔

روشنیوں کے شہر میں رہنے والے اکثر اس کے سحر میں متبلا ہوجاتے ہیں، جبکہ یہاں دورے پر آنے والے لوگ بھی اس گرویدہ ہوجاتے ہیں۔

جب بات کی جائے کراچی کے باسیوں کی تو انھیں تو شہرِ قائد ویسے ہی دل و جان سے پیارا ہے۔

ایسے میں پاکستان کی معروف اداکارہ و ماڈل ماہرہ خان نے بھی اس شہر سے والہانہ محبت کا کھل کر اظہار کردیا۔

فوٹوز اینڈ ویڈیو شیئرنگ ایپ میں انھوں نے ایک تصویر شیئر کی جس میں آسمان دکھائی دے رہا ہے۔

اس تصویر کے ساتھ انھوں نے اپنے پیغام میں عبارت لکھی کہ ’مجھے نہیں معلوم کہ کیا میں کراچی کے آسمان کے سوا کہیں اور رہ پاؤں گی۔‘

ماہرہ خان کے اس پیغام کو ان کے مداحوں کی جانب سے خوب پسند کیا گیا۔