فرمان الہی
نماز کے اوقات
دہلی ملتان روڈ پر اڈہ غلام حسین کے قریب تیز رفتار اے سی کوسٹر اور ٹریکٹر ٹرالی میں تصادم کے نتیجے میں خاتون سمیت 6 افراد جاں بحق، 18 زخمی ہو گئے ہیں۔
زخمیوں میں سے 3 مسافروں کی حالت تشویشناک بتائی جا رہی ہے، ریسکیو ٹیموں نے زخمیوں کو ڈی ایچ کیو اسپتال وہاڑی منتقل کردیا ہے۔
تفصیلات کے مطابق اے سی کوسٹر وہاڑی سے ملتان جا رہی تھی کہ اڈہ غلام حسین کے قریب اچانک سڑک پر مٹی سے لدی ٹریکٹر ٹرالی سے ٹکرا گئی۔
حادثہ کے نتیجہ میں1 خاتون سمیت 6 افراد موقع پر جاں بحق ہوگئے جبکہ 18 مسافروں کوشدید زخمی حالت میں طبی امداد کے لیے ڈی ایچ کیو اسپتال منتقل کر دیا گیا جہاں 3 زخمیوں کی حالت تشویشناک بتائی جاتی ہے۔
حادثہ اس قدر شدید تھا کہ کوسٹر کا فرنٹ مکمل تباہ ہوگیا اور زخمیوں کو کوسٹر کی باڈی کاٹ کر نکالا گیا۔
واقع کی اطلاع ملتے ہی ریسکیو ٹیمیں اور ڈی پی او وہاڑی احسان اللّٰہ چوہان موقع پر پہنچ گئے اور ریسکیو آپریشن کی نگرانی کی۔
