آپ آف لائن ہیں
ہفتہ6؍ربیع الاوّل 1442ھ 24؍اکتوبر 2020ء
  • بانی: میرخلیل الرحمٰن
  • گروپ چیئرمین و ایگزیکٹوایڈیٹر: میر جاوید رحمٰن
  • گروپ چیف ایگزیکٹووایڈیٹرانچیف: میر شکیل الرحمٰن
Jang Group

سوشانت کی بہن شویتا نے اچانک اپنا سوشل میڈیا اکاؤنٹ کیوں بند کیا؟

بالی ووڈ کے آنجہانی اداکار سوشانت سنگھ راجپوت کی بے وقت اور جواں مرگی نے اں کے خاندان کو سخت دھچکے سے دوچار کردیا ہے اور سوشانت کی بہن شویتا سنگھ کیرتی نے اپنے بھائی کی موت کے چار ماہ مکمل ہونے کے دن یعنی آج 14 اکتوبر کو بنا کسی اعلان کے سوشل میڈیا پلیٹ فارم کو چھوڑ دیا ہے۔

واضح رہے کہ سوشانت سنگھ راجپوت نے اس سال 14جون کو ممبئی میں واقع اپنے فلیٹ میں مبینہ طور پر خودکشی کرلی تھی۔


سوشانت کی موت کے بعد سے ان کی ہمشیرہ شویتا سنگھ انصاف کے حصول کے لیے سوشل میڈیا پر مہم چلا رہی تھیں، اور آج انھوں نے سوشانت کی ایک ویڈیو شیئر کرنے کے بعد اپنے تمام سوشل میڈیا اکاؤنٹس ڈی ایکٹیویٹ کردیے۔

انھوں نے اس سے قبل اعلان کیا تھا کہ وہ اپنے بھائی کی موت کا سوگ منانے کے لیے دس روز کا بریک لینگی، تاہم شویتا کا تازہ ترین اقدام اچانک اور غیر اعلانیہ ہے۔

دریں اثنا شویتا کے ٹوئٹر فینز کوشش کر رہے ہیں کہ یہ معلوم ہوسکے ایسا کیا ہوا کہ شویتا نے اپنا اکاؤنٹ ہی بند کردیا۔

انٹرٹینمنٹ سے مزید