سجل علی نے احد کی کونسی چیز چوری کی؟

پاکستان کی خوبرو اور باصلاحیت اداکارہ سجل علی نے اپنے شوہر احد رضا میر کی ہوڈی چوری کرلی۔

متعدد ڈراموں میں اپنی حیرت انگیز اداکاری کے جوہر دکھا کر لاکھوں مداحوں کے دلوں میں گھر کرنے والی ہردلعزیز سجل علی نے سماجی رابطے کی ویب سائٹ انسٹاگرام پر اپنی ایک نئی تصویر پوسٹ کی ہے جس میں دیکھا جاسکتا ہے کہ اداکارہ نے موسم سرما کی آمد سے پہلے ہی تیاریاں شروع کردی ہیں۔

سجل علی کے انسٹاگرام اکاؤنٹ پر شیئر کی جانے والی تصویر میں اُنہوں نے موسم سرما کا لباس یعنی ’ہوڈی‘ زیب تن کی ہوئی ہے جبکہ ہاتھ میں موبائل فون لیے وہ اپنی ’میرر سیلفی‘ لیتی نظر آرہی ہیں۔

سجل علی بین الاقوامی ایوارڈ میں نمائندگی کرنے والی پہلی پاکستانی

سجل علی نے بین الاقوامی ایوارڈ شو ’گرین کارپٹ فیشن ایوارڈ 2020‘ میں شامل ہونے کا اعزاز اپنے نام کرلیا۔

تصویر کے ساتھ کیپشن میں اداکارہ نے احد رضا میر سے مخاطب ہوتے ہوئے لکھا کہ ’میں نے آپ کی ساری ہوڈی (جرسی جو سردی سے بچنے کے لیے پہنی جاتی ہے) چُرالی ہیں۔‘

سجل علی کی نئی تصاویر وائرل

پاکستان فلم و ٹی وی انڈسٹری کی خوبرو اور باصلاحیت اداکارہ اور ہردلعزیز سجل علی نے سوشل میڈیا پر اپنی خوبصورت تصاویر شیئر کرتے ہوئے مداحوں سے اُن کا حال احوال دریافت کرلیا۔

سجل علی کی پوسٹ پر کمنٹ کرتے ہوئےاُن کی بہن صبور علی نے لکھا کہ ’تم نے میرے بھی بہت سے کپڑے چوری کیے ہیں۔‘

اداکارہ نے 19 گھنٹے قبل ہی انسٹاگرام پر اپنی تصویر پوسٹ کی ہے جسے اب تک دو لاکھ 60 ہزار سے زائد صارفین لائک کرچکے ہیں۔

سجل کی پسندیدہ ہالی ووڈ فلم کونسی ہے؟

پاکستان فلم اور ڈراما انڈسٹری کی معروف اداکارہ سجل علی نے اپنی پسندیدہ ہالی ووڈ فلم کے بارے میں مداحوں کو بتا دیا۔

واضح رہے کہ گزشتہ دنوں سجل علی نے بین الاقوامی ایوارڈ شو ’گرین کارپٹ فیشن ایوارڈ 2020‘ میں شامل ہونے کا اعزاز بھی اپنے نام کیا ہے۔

سجل علی نے 10 اکتوبر کو ہونے والی تقریب میں پاکستان کی نمائندگی کی۔