-
فرمان الہی
-
نماز کے اوقات
- جمعرات 16؍شوال المکرم 1445ھ25؍اپریل 2024ء
- بانی: میرخلیل الرحمٰن
- گروپ چیف ایگزیکٹووایڈیٹرانچیف: میر شکیل الرحمٰن
فرمان الہی
نماز کے اوقات
ممبئی (مانیٹرنگ ڈیسک)بھارتی اداکارہ پائل گھوش نے انوراگ کشیپ کے خلاف کافی دن پہلے جنسی استحصال کا الزام لگاتے ہوئے ایف آئی آر درج کروائی تھی ۔پائل گھوش نے سیکورٹی تک کا مطالبہ کیا تھا ۔ پائل گھوش اور انوراگ کشیپ اس معاملہ میں آمنے سامنے ہیں اور اب اس معاملہ میں سابق آل راؤنڈر عرفان پٹھان کا بھی نام شامل ہوگیا ہے ۔ پائل گھوش نے انوراگ کشیپ کے خلاف کئی ٹویٹ کئے اور اس معاملہ میں انہوں نے عرفان پٹھان کا بھی تذکرہ کیا ۔اداکارہ کا کہنا ہے کہ اس معاملہ میں انہوں نے اپنے دوست عرفان پٹھان سے بھی بات کی تھی ۔ انہوں نے ٹویٹ کیا کہ میں نے عرفان پٹھان کو یہ نہیں بتایا تھا کہ انوراگ کشیپ نے میری عصمت دری کی ، مگر بات چیت کے بارے میں عرفان پٹھان کے ساتھ سب کچھ شیئر کیا تھا ۔انہیں اس بارے میں ہر ایک چیز کی معلومات ہیں ، مگر وہ اس پر کچھ نہیں بول رہے ہیں ۔ کبھی وہ میرے اچھے دوست ہونے کا دعوی کرتے تھے ۔ گھوش نے عرفان پٹھان کے ساتھ اپنی تصویر بھی شیئر کی ۔پہلا ٹویٹ کرنے کے تقریبا دو گھنٹوں کے بعد گھوش نے عرفان پٹھان کے ساتھ اپنی تصویر شیئر کرتے ہوئے انہیں ٹیگ کیا اور کہا کہ عرفان پٹھان کو ٹیگ کرنے کا مطلب یہ نہیں ہے کہ مجھے ان میں کوئی دلچسپی ہے ، مگر وہ ان میں سے ایک ہیں ، جن کے ساتھ میں نے انوراگ کشیپ کے بارے میں سب کچھ شیئر کیا تھا ، صرف عصمت دری والی بات کو چھوڑ کر ۔انہوں نے لکھا میں جانتی ہوں کہ ان کو اپنے ایمان اور بوڑھے ماں باپ پر بھروسہ ہے ، اس لئے امید کرتی ہوں کہ میں نے ان کے ساتھ جو کچھ بھی شیئر کیا تھا ، وہ اس کے بارے میں بات کریں گے ۔پائل گھوش نے کہا کہ ہم صرف اچھے دوست نہیں ہیں ، بلکہ میں ان کی فیملی فرینڈ بھی ہوں ۔ چلو دیکھتے ہیں کہ دوستی کون کون نبھاتا ہے ۔ خیال رہے کہ اداکارہ پائل گھوش نے ستمبر میں انوراگ کشیپ کے خلاف آبروریزی کا معاملہ درج کروایا تھا اور اس معاملہ میں کشیپ سے پولیس نے طویل پوچھ گچھ بھی کی تھی ۔
