آپ آف لائن ہیں
جمعرات10؍ربیع الثانی 1442ھ26؍نومبر 2020ء
  • بانی: میرخلیل الرحمٰن
  • گروپ چیئرمین و ایگزیکٹوایڈیٹر: میر جاوید رحمٰن
  • گروپ چیف ایگزیکٹووایڈیٹرانچیف: میر شکیل الرحمٰن
Jang Group

دنیا میں سب سے زیادہ جسمانی تبدیلیاں کروانیوالا انسان


جرمنی کے شہری رالف بوخولز نے دنیا میں سب سے زیادہ جسمانی تبدیلیاں کروا کر گینیز ورلڈ ریکارڈ اپنے نام کر لیا ہے۔

گینیز ورلڈ ریکار کے مطابق رالف جرمنی کی ایک انفارمیشن ٹیکنالوجی فرم میں کام کرتے ہیں، رالف نے 40 سال کی عمر میں اپنے جسم میں پہلا چھید اور ٹیٹو بنوایا تھا جبکہ 20 سال کے دوران رالف اپنے جسم، بھنوؤں، کانوں، زبان، ہونٹوں، کان، ناک اور باقی چہرے پر اتنی تبدیلیاں کروالی ہیں کہ وہ اب پہچانے نہیں جاتے۔

رالف کے ماتھے پر دو سینگھ بھی دیکھے جا سکتے ہیں جبکہ انہوں نے اپنے ہاتھ اور بازوؤں کی جِلد کے نیچے مقناطیس بھی ٹرانسپلانٹ کروا رکھے ہیں ۔

جرمن شہری رالف بوخولز کا خود سے متعلق بتانا ہے کہ ’اُن میں یہ شوق آج سے 20 سال قبل پیدا ہوا تھا جب وہ تقریباً 40 سال کے تھے۔‘

انہوں نے کہا کہ ’وہ اپنے جسم میں تاحال 516 تبدیلیاں کر وا چکے ہیں،‘ رالف بوخولز کا کہنا ہے کہ ’ جسم میں تبدیلیاں کروانے کا یہ سلسلہ ابھی رُکا نہیں ہے، وہ مزید جسمانی تبدیلیاں کروانے کا ارادہ رکھتے ہیں۔‘

رالف بوخولز کا اِن ظاہری جسمانی تبدیلیوں سے متعلق کہنا ہے کہ ’ اُن کے جسم پر موجود  ٹیٹوز، جِلد پر چھید، سینگھ نے صرف اُن کو ظاہری طور پر بدلا ہے، وہ اندر سے ابھی بھی ایک عام انسان کی طرح ہیں۔‘

واضح رہے کہ رالف بوخولز کے چہرے پر کُل ملا کر 453 چھید ہیں جن میں سے تقریباً 37 چھیڈ بھنوؤں پر، 18 چھید بائیں اور 15 چھید دائیں کان پر ہیں جبکہ پورے جسم پر 90 کے قریب ٹیٹوز گدے ہوئے ہیں، اس کے علاوہ رالف کی زبان میں بھی متعدد چھید ہیں۔

دلچسپ و عجیب سے مزید