اسلام آباد: اہم سرکاری عمارتوں کی لائٹس بند کرکے کشمیر سے اظہارِ یکجہتی

یومِ سیاہ کشمیر کے موقع پر شاہراہ دستور پر واقع اہم سرکاری عمارتوں کی لائٹس بند کرکے کشمیر سے اظہارِ یکجہتی اور بھارت کے ظلم و ستم کے خلاف علامتی بلیک آؤٹ کیا گیا۔

یوم سیاہ کشمیر کے موقع پر اسلام آباد کی شاہراہ دستور پر شام 7 بجے تمام سرکاری عمارتوں کی لائس بند کرکے علامتی بلیک آؤٹ کیا گیا۔

دنیا بھر میں مقیم کشمیری آج یوم سیاہ منا رہے ہیں

مقبوضہ کشمیر پر بھارت کے ناجائز قبضے کیخلاف کنٹرول لائن کے دونوں اطراف اور دنیا بھر میں مقیم کشمیری آج یوم سیاہ منارہے ہیں، مقبوضہ وادی میں آج مکمل ہڑتال ہے۔

اس موقع پر سپریم کورٹ، پارلیمنٹ ہاؤس، پارلیمنٹ لاجز، وزیرِاعظم ہاؤس اور پرائم منسٹر سیکریٹریٹ کی تمام لائٹیں بند کردی گئیں۔

شاہراہ دستور پر واقع اہم سرکاری عمارتوں پر بلیک آؤٹ 5 منٹ تک کیا گیا۔