’سنگھم‘ کی ہیروئن کاجل اگروال پیا دیس سدھار گئیں

بالی وڈ کی بلاک بسٹر فلم ’سنگھم‘ کی ہیروئن کاجل اگروال اور بھارتی اداکار گوتم کیچلو نے شادی کرلی ہے جس کی تصویریں سوشل میڈیا پر وائرل ہوگئی ہیں۔

تامل فلموں سے شہرت کی بلندیوں کو چھونے والی بھارتی خوبرو اداکارہ کاجل اگروال اور گوتم کیچلو نے گزشتہ شام ممبئی میں شادی کی جس کی تصاویر اور ویڈیوز انٹرنیٹ پر سنسنی خیز ہیں۔

کاجل اگروال اور گوتم کیچلو کی شادی سے متعلقہ تصاویر اور ویڈیوز کو سوشل میڈیا پر کاجل اگروال کے فین پیجز کی جانب سے شیئر کیا جا رہا ہے۔

سوشل میڈیا پر وائرل تصویروں میں دیکھا جاسکتا ہے کہ نئی نویلی دلہن کاجل اگروال سُرخ رنگ کے عروسی لباس میں دلکش لگ رہی ہیں جبکہ شادی کے روایتی زیورات کے علاوہ کاجل اگروال نے سر پرخوبصورت سی ماتھا پٹی بھی پہنی جو اُن کی خوبصورتی میں مزید چار چاند لگا رہی ہے۔

کاجل اگروال کی شادی کی تقریبات کا آغاز

بھارتی اداکارہ کاجل اگروال کی جانب سے اپنی رسم ِ حنا کی ایک خوبصورت تصویر سوشل میڈیا پر شیئر کی گئی ہے جو انٹرنیٹ پر خوب وائرل ہو رہی ہے۔

دوسری جانب کاجل اگروال کے شوہر گوتم کیچلو نے ایک خوبصورت شیروانی زیب تن کی جس میں وہ بھی بےحد پُرکشش نظر آرہے ہیں۔

آئیے کاجل اگروال اور گوتم کیچلو کی شادی کی تصاویر اور ویڈیوز پر ایک نظر ڈالیں:

واضح رہے کہ رواں ماہ کی شروعات میں کاجل اگروال نے اپنی شادی کی تاریخ کا اعلان کیا تھا، سوشل میڈیا پر جاری اپنے پیغام میں اداکارہ کا کہنا تھا کہ وہ 30 اکتوبر 2020 کو اپنے منگیتر گوتم کیچلو کے ساتھ ممبئی میں شادی کے بندھن میں بندھنے جارہی ہیں۔