تزکیہ نفس کیسے کریں؟ ثنا خان نے بتادیا

اسلام کی خاطر بالی ووڈ سے کنارہ کشی اختیار کرنے والی سابقہ اداکارہ ثنا خان نے تزکیہ نفس کا بہترین نسخہ بتادیا۔

اپنی حالیہ انسٹاگرام پوسٹ میں ثنا خان نے نفس کے تزکیے کے حکم کے بارے میں تفصیل سے بتایا اور نفس کو قابو میں رکھنے کے حوالے سے بھی بتایا اور  ساتھ یہ بھی بتایا کہ اس سے انسان کو کیا حاصل ہوتا ہے۔

مذہب کی خاطر شوبز چھوڑنے والے بھارتی اداکار

بھارتی فلم انڈسٹری سے تعلق رکھنے والی شخصیات جو...

ثنا خان کی ایک منٹ اور 40 سیکنڈ پر مبنی ویڈیو میں انہوں نے بتایا کہ نفس کا تزکیہ یہ ہے کہ اپنی اپنے نفس کو ہر اس چیز سے روکنا جس سے اللّٰہ نے منع کیا ہے۔

انہوں نے اپنے ویڈیو پیغام میں اس بات کی ترغیب دی کہ جب آپ اپنا ہر کام اللہ کے حکم کے مطابق ڈھال لیں گے تو ذہنی اور قلبی سکون حاصل ہوجائے گا۔

سابقہ اداکارہ نے کہا کہ ہمارے روز مرہ کے کام کاج ہماری نماز اور دیگر عبادات میں اثر انداز ہوتے ہیں، اگر آپ تہہ دل سے اپنے دینی فرائض نبھانا چاہتے ہیں تو روزمرہ کام کاج میں اللہ کے حکم کی پابندی کریں۔

بالی ووڈ چھوڑنے والی ثنا خان جلد عمرے پر جانے کی خواہشمند

اسلام کی خاطر بالی ووڈ سے کنارہ کشی اختیار کرنے والی ثنا خان جلد عمرے پر جانے کی خواہشمند ہیں۔

ثنا خان کا کہنا ہے کہ نفس پر قابو پانا مشکل ہے لیکن ناممکن نہیں لہذا اسے قابو میں کر لیں اس سے پہلے یہ آپ کو قابو میں کرے۔

خیال رہے کہ ثنا خان نے اپنے فنی کرئیر کا آغاز کمرشلز سے کیا تھا۔ اس شعبے میں انہیں جلد کامیابی سے ہم کنار کیا جس کے بعد وہ تامل فلموں میں اداکاری کرنے لگیں۔

ثنا خان ہدایت کار روہت شیٹھی کے ساتھ خطروں کے کھلاڑی سیزن 6 میں کام کر چکی ہیں۔ اس ٹی وی پروگرام میں انہوں نے بہت سے اسٹنٹس خود کیے۔جھلک دکھلا جا سیزن 7، کامیڈی نائٹس بچاؤ، کامیڈی نائٹس لائیو اور انٹرٹینمنٹ کی رات ثنا خان کے مشہور اور کامیاب ٹی وی شوز ہیں۔