ہتک عزت کیس، علی ظفر کی میشا شفیع کو عدالت میں پیش ہونے کیلئے ٹکٹ دینے کی پیشکش

لاہور(مانیٹرنگ ڈیسک) اداکار و گلوکار علی ظفر نے میشا شفیع کو عدالت میں پیش ہونے کیلئے کینیڈا سے پاکستان کا ٹکٹ دینے کی پیشکش کردی اور کہا عدالت میں پیش ہو کرثبوت فراہم کریں۔ تفصیلات کے مطابق لاہور کی سیشن کورٹ میں اداکارعلی ظفرکی جانب سے میشا شفیع کے خلاف ہتک عزت کے دعوے پر سماعت ہوئی ، دوران سماعت علی ظفر نے کہا کہ میشاشفیع کےکینیڈا سےپاکستان سفر کے اخراجات اٹھانےکوتیارہیں ، میشا عدالت کے روبرو پیش ہو کرثبوت فراہم کریں۔وکیل میشاشفیع نے استدعا کی کہ موبائل ایپ کے ذریعے میشاکابیان مکمل کرلیا جائے، کینیڈا سے پاکستان آنےمیں بہت خرچہ ہوگا جس پر عدالت نے14نومبر کو میشا اور ان کے گواہان کوطلب کر لیا۔یاد رہے لاہور کی سیشن کورٹ میں اداکار علی ظفر کی جانب سے میشا شفیع کے خلاف سو کروڑ روپے ہرجانہ کیس میں میشا شفیع کے وکلا ہڑتال کے باعث پیش نہ ہوئے تھے ، جس کی وجہ سے میں آج کسی گواہ کا بیان قلمبند نہ کیا جا سکا۔اداکار علی ظفر کا موقف ہے کہ میشا شفیع نے ہراساں کرنے کے بے بنیاد الزامات عائد کئے، جن سے پوری دنیا میں شہرت متاثر ہوئی۔ عدالت میشا شفیع کو سو کروڑ ہرجانہ ادا کرنےکا حکم دے۔