وہ ویڈیو دکھائیں، آئی جی اپنی گاڑی میں خود گئے تو وہ اغواء نہیں کہلاتا، فردوس شمیم

سندھ اسمبلی میں اپوزیشن لیڈر فردوس شمیم نقوی کا آئی جی پولیس اغواء کیس سے متعلق کہنا ہے کہ وہ ویڈیو دکھائیں،آئی جی اپنی گاڑی میں خود گئے تو وہ اغواء نہیں کہلاتا ہے۔

سندھ اسمبلی میں اپوزیشن لیڈر فردوس شمیم نقوی نے پریس کانفرنس کرتے ہوئے کہا کہ آئی جی پولیس کیسےاغوا ہوتے ہیں، رپورٹ میں اس پر کچھ نہیں لکھا؟ آئی جی کے گھر کے باہر کیمرے لگے ہیں، وہ ویڈیو دکھائیں جس میں آئی جی اپنی گاڑی میں خود گئے تو وہ اغواء نہیں کہلاتا ہے۔

فردوس شمیم نقوی نے کہا کہ یہ حکومت اب خود آئی جی کو ہٹائے گی، سندھ کے وزراء کی انکوائری رپورٹ آئی تو آئی جی صاحب کو جواب دینا ہوگا، آئی جی نے چانڈیو پر ہاتھ ڈالا ہے،یہ زرداری کا خاص ہے۔

آئی جی سندھ واقعے پر کورٹ آف انکوائری مکمل ہوگئی: ISPR

پاک فوج کے شعبۂ تعلقاتِ عامہ (آئی ایس پی آر) کا کہنا ہے کہ آئی جی سندھ کے تحفظات کے حوالے سے فوج کی کورٹ آف انکوائری مکمل ہو گئی۔

انہوں نے کہا کہ آئی جی پر بغاوت کا چارج لگے گا،آئی جی کی تبدیلی آنے والی ہے۔اُن کا کہنا ہے کہ افسوس سے کہنا پڑتا ہے کہ ابھی تک پہلے کوارٹر کی رپورٹ نہیں آئی، یہ رپورٹ ہمارے لیے نہایت اہم تھی۔

فردوس شمیم نقوی نے پریس کانفرنس میں کہا کہ وہ روایت برقرار ہے کہ حکومت نے سالانہ رپورٹ بھی نہیں دینی ہے، سندھ حکومت کے مالی معاملات خراب ہیں، انہوں نے پبلک اکاؤنٹس کمیٹی دینے سے انکار کیا ہے۔

حکومت میں شفافیت اور گڈ گورننس کہاں ہے؟ 12 سال میں یہ اپنے سسٹم کو درست نہیں کرسکے ہیں، یہ جمہوریت کے دعویدار ہیں لیکن جمہوریت پر کتنا یقین رکھتے ہیں دیکھ لیں، یہ قومی اورپنجاب اسمبلی میں رپورٹ مانگتے ہیں لیکن سندھ میں رپورٹ نہیں دیتے۔

آئی جی کے اغواء کے حقائق عوام کے سامنے لائیں گے: تیمور تالپور

سندھ کے انفارمیشن ٹیکنالوجی کے وزیر تیمور تالپور کہتے ہیں کہ آئی جی کے اغواء کے واقعے کے جو بھی حقائق ہوں گے عوام کے سامنے لائیں گے۔

انہوں نے مزید کہا کہ کراچی میں گلگت کے عوام بھی بولے گی کہ یہ سب جھوٹ بول رہے ہیں، عوام مہنگائی سے پریشان ہیں۔