آپ آف لائن ہیں
منگل15ربیع الثانی 1442ھ یکم دسمبر 2020ء
  • بانی: میرخلیل الرحمٰن
  • گروپ چیئرمین و ایگزیکٹوایڈیٹر: میر جاوید رحمٰن
  • گروپ چیف ایگزیکٹووایڈیٹرانچیف: میر شکیل الرحمٰن
Jang Group

حکومت شہر کا حسن بحال کرنے کے لیے کوشاں ہے، عثمان بزدار


وزیراعلیٰ پنجاب سردار عثمان بزدار نے کہا ہے کہ سابق حکمرانوں نے لاہور جیسے خوبصورت شہر کو تباہ کرنے میں کوئی کسر نہیں چھوڑی۔ ہماری حکومت شہر کا حسن بحال کرنے کے لیے کوشاں ہے۔

لاہور کے داخلی و خارجی راستے ٹھوکر نیاز بیگ پر خیر مقدمی آرائشی گیٹ باب لاہور کی افتتاحی تقریب کے موقع پر گفتگو میں وزیراعلیٰ عثمان بزدار کا کہنا تھا کہ لاہور باغوں اور پھولوں کا شہر ہے۔ باب لاہور شہر کی خوبصورتی میں اضافہ کرے گا۔ منصوبے کے تحت ٹھوکر نیاز بیگ جنکشن کی ری ماڈلنگ بھی کی گئی ہے۔

ان کا کہنا تھا کہ اسٹریٹ لائٹس، حفاظتی جنگلے اور آرائشی روشنیاں لگائی گئی ہیں ۔ باب لاہور 130فٹ چوڑا اور 60 فٹ بلند ہے۔

قومی خبریں سے مزید