آپ آف لائن ہیں
پیر4؍جمادی الثانی 1442ھ 18؍جنوری2021ء
  • بانی: میرخلیل الرحمٰن
  • گروپ چیئرمین و ایگزیکٹوایڈیٹر: میر جاوید رحمٰن
  • گروپ چیف ایگزیکٹووایڈیٹرانچیف: میر شکیل الرحمٰن
Jang Group

انٹرنیشنل کرکٹ کھیلنے کیلئے کم از کم 15 سال کی عمر لازمی قرار

دبئی (جنگ نیوز) انٹرنیشنل کرکٹ کونسل (آئی سی سی) بورڈ نے کھلاڑیوں کو انٹرنیشنل کرکٹ کھیلنے کے لیے کم ازکم 15 سال کی عمر کی حد مقرر کردی۔ آئی سی سی نے کھلاڑیوں کی حفاظت میں بہتری لانے کے لیے عمر کی پابندیاں متعارف کرانے کی تصدیق کی ہے جس کا اطلاق مرد وخواتین کے آئی سی سی ایونٹ، باہمی کرکٹ اور U19 کرکٹ سمیت تمام کرکٹ میں ہوگا۔ آئی سی سی کا کہنا ہے کہ اگر کوئی ملک عالمی سطح پر اپنے 15 سال سے کم عمر کھلاڑی کو کھلانا چاہتے ہیں تو اس کے لیے آئی سی سی کو درخواست دینی ہوگی جس میں وہ تمام وجوہات سے آگاہ کریں گے جس کے بعد آئی سی سی اُس کھلاڑی کی صلاحیت دیکھتے ہوئے اُسے اجازت نامہ دے گی۔ اس سے قبل کھلاڑیوں کی عُمر سے متعلق کوئی پابندی نہیں تھی۔ یاد رہے کہ 1996 میں حسن رضا نے صرف 14 سال کی عمر میں پاکستان کی جانب سے ٹیسٹ کیریئر شروع کیا تھا۔ جو اس ضمن میں اب تک ریکارڈ ہے۔

اسپورٹس سے مزید