آزاد کشمیر،2 ہفتے کیلئے لاک ڈاؤن کا پہلا دن

عالمی وباء کورونا وائرس کے پیشِ نظر آزاد کشمیر میں لگائے گئے 2 ہفتوں کے لیے لاک ڈاؤن کا آج پہلا دن ہے۔

مظفر آباد میں لگائے گئے لاک ڈاؤن کے پہلے دن کے دوران بازار بند ہیں، صرف اشیائے خور و نوش اور ادویات کے دکانیں کھلی ہیں۔

دوسری جانب بین الاضلاعی روٹس پر ٹرانسپورٹ بحال ہے جبکہ اندرون شہر ٹرانسپورٹ بند ہے۔

پاکستان: کورونا وائرس سے1دن میں 59 ہلاکتیں

پاکستان میں گزشتہ 24 گھنٹوں کے دوران کورونا وائرس کے مزید 2 ہزار 665 کیسز سامنے آئے ہیں، مزید 59 افراد اس موذی وباء کے سامنے زندگی کی بازی ہار گئے جبکہ 897 مریض اس بیماری سے شفایاب ہو گئے۔

لاک ڈاؤن پر عمل کروانے کے لیے جگہ جگہ پولیس ناکے لگائے کھڑی ہے جبکہ ایس او پیز کی خلاف ورزی پر موٹر سائیکل اور گاڑیاں ضبط کی جا رہی ہیں۔