آپ آف لائن ہیں
منگل5؍جمادی الثانی 1442ھ 19؍جنوری 2021ء
  • بانی: میرخلیل الرحمٰن
  • گروپ چیئرمین و ایگزیکٹوایڈیٹر: میر جاوید رحمٰن
  • گروپ چیف ایگزیکٹووایڈیٹرانچیف: میر شکیل الرحمٰن
Jang Group

ہیری اور میگھن سلیبریٹی اور شاہی حیثیت کے حوالے سے ابہام کا شکار ہیں، شاہی سوانح نگار

برطانوی شاہی خاندان کے حوالے سے ماہر سوانح نگار باب مورس نے دعویٰ کیا ہے کہ پرنس ہیری اور ان کی اہلیہ میگھن مارکل نے اپنے لیے جس راہ کا انتخاب کیا تھا اس سے بھٹکنے کے بعد اب یہ دونوں سلیبریٹی اور شاہی حیثیت کے حوالے سے ابہام کا شکار ہیں۔

انھوں نے یہ دعویٰ برطانوی اخبار ڈیلی ایکسپریس سے انٹرویو کے دوران کیا۔

انھوں نے اپنے تبصرہ میں یہ تسلیم کیا کہ یہ کہنا بہت مشکل ہے کہ ان کا مستقبل کیا ہوگا، کیونکہ دونوں ابھی تک اپنے آپشنز کی تلاش میں ہیں۔ لیکن میں سمجھتا ہوں کہ رفتہ رفتہ یہ دونوں پس منظر میں چلے جائیں گے۔

باب مورس کے مطابق یہ امریکا میں ریذیڈنسی لیں گے اور اس طرح یہ شاہی خاندان سے تیزی سے دور ہوجائیں گے۔ 


یہ تو واضح نہیں ہے کہ انکا کردار کیا ہوگا، لیکن مشکل یہ ہے کہ بظاہر ایسا نظر آتا ہے کہ یہ دونوں سلیبریٹی اور شاہی حیثیت کے حوالے سے ابہام کا شکار ہیں۔

انھوں نے کہا کہ میں نہیں سمجھتا کہ میگھن دوبارہ لندن آنے کی جرات بھی کریں۔ انہیں آرچی کو لندن لانا ہوگا لیکن یہ دونوں آرچی کو لندن سے دور رکھنا چاہتے ہیں۔ 

انھوں نے کہا کہ پرنس ہیری اور میگھن کرسمس پر لندن نہ آنے پر ملکہ برطانیہ سے ہر قسم کی معذرت کرینگے۔

شاہی تبصرہ نگار نے اپنی بات اس جملے کے ساتھ ختم کی کہ وہ سمجھتے ہیں کہ میگھن کے خیال میں اگر وہ لندن گئیں تو وہاں کا ماحول ان کے لیے بڑا مشکل اور پریشان کن ہوگا اور وہ اس صورتحال کا سامنا نہیں کرسکیں گی۔

انٹرٹینمنٹ سے مزید