مقبوضہ کشمیرمیں خواتین پر مظالم سے متعلق ایم نئی رپورٹ میں انکشاف کیا گیا ہے کہ مقبوضہ کشمیر میں1989ء سے اب تک 11 ہزار خواتین کی بے حرمتی کی گئی ہے۔
خواتین پر تشدد کےخاتمے کے عالمی دن کے موقع پر کشمیر میڈیا سروس کی جانب سے ایک رپورٹ جاری کی گئی ہے جس کے مطابق گزشتہ 31 برسوں کے دوران بھارتی فوجیوں نے 11 ہزار خواتین کی بے حرمتی کی۔
کشمیر میڈیا سروس کی رپورٹ کے مطابق بھارتی فوجیوں نے 31 سال میں 2201ء خواتین کو شہید کیا۔
رپورٹ کے مطابق بھارتی فوج خواتین کی عصمت دری کو جنگی ہتھیار کے طور پر استعمال کرتی ہے، بھارتی فوجی باقاعدگی سے خواتین کو جنسی طور پر ہراساں کرنے میں ملوث رہے ہیں۔
رپورٹ میں مزید کہا گیا ہے کہ آسیہ اندرابی سمیت متعدد خواتین کشمیری رہنما 4 سال سے تہاڑ جیل میں بند ہیں۔