ڈھیری حسن آباد اور ٹاہلی موہری چوک میں آپریشن ،ریڑھیاں ضبط

میرا شہر

اسلام آباد

26 نومبر ، 2020

راولپنڈی (اپنے نامہ نگار سے ) چکلالہ کنٹونمنٹ بورڈ نے ڈھیری حسن آباد بازار اور ٹاہلی موہری چوک میں تجاوزات کیخلاف آپریشن کرتے ہوئے ڈیڑھ درجن ریڑھیاں قبضہ میں لے لیں ، بدھ کے روز شعبہ انسداد تجاوزات کے عملہ نے انچارج انفورسمنٹ ایاز چوہدری کی نگرانی میں ڈھیری چوک اور ٹاہلی موہری چوک میں تجاوزات کیخلاف آپریشن کے دوران دونوں مقامات کو ریڑھیوں سے پاک کر دیا ، ادھر شہریوں کا کہناتھا کہ کینٹ بورڈ کے تجاوزات کیخلاف آپریشن عارضی ہیں ، عملہ کے جانے کے بعد دوبارہ ریڑھیوں والے سڑکوں پر آجاتے ہیں ، چند ریڑھیاں تو عملہ گاڑی میں ڈال کر لے جاتا ہے جو لوگ گلیوں وغیرہ میں عملہ کے آنے سے چلے جاتے ہیں وہ کینٹ بورڈ کی گاڑی (ٹرک) کے جانے کےبعد دوبارہ روڈ پر آجاتے ہیں اور رات گئے تک ادھر ہی ریڑھیاں کھڑی رکھتے ہیں۔

تازہ ترین