مریم نواز کا کھانا ہمیشہ گھر سے آتا تھا، شہزاد اکبر

وزیراعظم کے مشیر داخلہ شہزاد اکبر نے کہا ہے کہ یہ بات رکارڈ پر ہے کہ مریم نواز کا کھانا ہمیشہ گھر سے آتا تھا۔

مریم نواز کے بیان پر ردعمل دیتے ہوئے انہوں نے کہا کہ مریم نواز نے ایک دن بھی جیل کا کھانا نہیں کھایا۔

جیل میں چوہوں کا بچا ہوا کھانا کھلایا جاتا تھا، مریم نواز کا الزام

مریم نواز نے کہا کہ شہباز شریف میاں نواز شریف سے وفا داری کی وجہ سے قید کاٹ رہے ہیں، حمزہ شہباز کو بھی نواز شریف سے وفا داری کی سزا دی جارہی ہے۔

شہزاد اکبر کا مزید کہنا تھا کہ یا تو چوہا گھر کا تھا یا خاندانی روایت کے مطابق یہ جھوٹ بول رہی ہیں۔

واضح رہے کہ پاکستان مسلم لیگ ن کی نائب صدر مریم نواز کا کہنا تھا کہ جب وہ جیل میں تھیں، تو انہیں چوہوں کا بچا ہوا کھانا کھلایا جاتا تھا، پھپوندی زدہ دوائیں دی جاتی تھیں۔