آپ آف لائن ہیں
ہفتہ9؍جمادی الثانی 1442ھ 23؍جنوری 2021ء
  • بانی: میرخلیل الرحمٰن
  • گروپ چیئرمین و ایگزیکٹوایڈیٹر: میر جاوید رحمٰن
  • گروپ چیف ایگزیکٹووایڈیٹرانچیف: میر شکیل الرحمٰن
Jang Group

پنجاب میں اسلحہ لائسنسوں کے اجراء پر پابندی سے صوبہ ریونیو سے محروم

راولپنڈی (راحت منیر،اپنے رپورٹر سے) پنجاب میں اسلحہ لائسنسوں کے اجراء پر پابندی کے باعث صوبہ کو ریونیو وصولی سے محروم ہوگیا۔ اس وقت وفاق، آزادکشمیر،کے پی کے،سندھ اور بلوچستان دھڑادھڑ اسلحہ لائسنس جاری کررہے ہیں اور پنجاب سے سینکڑوں افراد ان صوبوں سے لائسنس بنوا رہے ہیں، پنجاب نے گزشتہ دس سال سے شہریوں کو اسلحہ لائسنس جاری کرنے پر پابندی لگارکھی ہے۔اس وقت دوسرے صوبوں سے لائسنس پر تقریبا تیس پینتس ہزار روپے خرچہ آرہا ہے۔ دوسری طرف جن لوگوں کے لائسنس بنے ہوئے ہیں ان کو الگ مسائل کا سامنا ہے،اگر کوئی ترمیم یا اضافہ کرانا ہو تو ہوم ڈیپارٹمنٹ کی سرد مہری و لاپرواہی آڑے آتی ہے۔ ہر ضلع کیس بنا کر منظوری کیلئے ہوم ڈیپارٹمنٹ لاہور بھجوادیتا ہےلیکن سیکشن افسر جوڈیشل ون اپنی مرضی سے کام کرتا ہے، کئی کئی برسوں سے مختلف درخواستیں لاہور میں زیر التواء ہیں۔ شہریوں نے حکومت پنجاب سے مطالبہ کیا ہے کہ کمیپوٹرائزڈ سسٹم کے بعد دور دراز کے اضلاع کے عوام کو لاہور میں درخواستیں سرد خانے کی نذرہونے کی اذیت سے بچایا جائےاور ہر ضلع میں ڈپٹی کمشنر یا ڈویژن میں کمشنر کو ایس او جوڈیشل کے اختیارات دئیے جائیں۔

اسلام آباد سے مزید