آپ آف لائن ہیں
منگل12؍جمادی الثانی 1442ھ 26؍جنوری 2021ء
  • بانی: میرخلیل الرحمٰن
  • گروپ چیف ایگزیکٹووایڈیٹرانچیف: میر شکیل الرحمٰن
Jang Group

مودی حکومت نے دھمکی آمیز پیغامات بھیجے، محبوبہ مفتی


مقبوضہ کشمیر کی سابق وزیراعلیٰ محبوبہ مفتی کا کہنا ہے کہ وادی کی خصوصی حیثیت ختم کرنے کے مودی سرکار کے فیصلے کو قبول نہ کرنے پر مودی حکومت نے انہیں دھمکی آمیز پیغامات بھیجے ۔

کشمیری میڈیا کو انٹرویو میں محبوبہ مفتی کا کہنا تھا کہ بھارتی سرکار نے انہیں براہ راست اور درپردہ ایسے پیغامات بھیجے جن میں کہا گیا کہ لائن پر آجاؤ ورنہ نتائج بھگتنے کے لیے تیار رہو۔

انہوں نے کہا کہ بی جے پی حکومت وادی کی مسلمان اکثریت کو اقلیت میں تبدیل کرنے کے ایجنڈے پر کام کر رہی ہے، بھارتی سرکار کے یکطرفہ فیصلے سے وادی کے لوگ اب تک صدمے میں ہیں۔

مقبوضہ کشمیر کی سابق وزیراعلیٰ نے کہا کہ بھارت میں مسلمانوں کا مقابلہ ہندوؤں سے کیا جاتا ہے لیکن وادی میں بھارت مسلمانوں اور ڈوگرہ قوم میں تصادم چاہتا ہے۔

واضح رہے کہ بھارت نے گزشتہ سال 5 اگست سے مقبوضہ وادی کی خصوصی حیثیت کے آرٹیکل کو منسوخ کر کے وادی میں لاک ڈاؤن کیا ہوا ہے۔

بین الاقوامی خبریں سے مزید