آپ آف لائن ہیں
پیر4؍جمادی الثانی 1442ھ 18؍جنوری2021ء
  • بانی: میرخلیل الرحمٰن
  • گروپ چیئرمین و ایگزیکٹوایڈیٹر: میر جاوید رحمٰن
  • گروپ چیف ایگزیکٹووایڈیٹرانچیف: میر شکیل الرحمٰن
Jang Group

ٹرمپ اپنے حامیوں کو لگام ڈالیں، جارجیا الیکشن کمیشن

امریکی ریاست جارجیا الیکشن کمیشن کے اعلیٰ عہدیدار صدر ٹرمپ اور ری پبلکن سینیٹرز پر برس پڑے کہا اپنے حامیوں کو لگام ڈالیں اور دھمکی آمیز بیانیے کو ختم کریں۔

اٹلانٹا میں نیوز کانفرنس کے دوران الیکشن کمیشن کے عہدیدار Gabriel Sterling غصے میں آگئے، انہوں نے ٹرمپ حامیوں کے الیکشن منتظمین کے خلاف دھمکی آمیز رویہ پر صدر ٹرمپ پر کڑی تنقید کرتے ہوئے کہا کہ صدر ٹرمپ اور ان کے سینیٹرز نے ایسے الفاظ و بیان کی مذمت تک نہیں کی، یہ سب اب رُکنا چاہیے۔

انہوں نے کہا کہ صدر ٹرمپ اور ان کے سینیٹرز اگر قائدانہ حیثیت چاہتے ہیں تو اس صلاحیت کا مظاہرہ بھی دکھائیں۔

واضح رہے کہ امریکی صدر ٹرمپ اور ان کے حامی صدارتی الیکشن نتائج ماننے سے انکاری ہیں اور ووٹوں کی گنتی میں دھاندلی کے الزامات پر مسلسل سخت مؤقف پر قائم ہیں۔

بین الاقوامی خبریں سے مزید