ٹرمپ سے آئین معطلی اور دوبارہ انتخابات کا مطالبہ

امریکا کے سابق قومی سلامتی مشیر مائیکل فلین نے صدر ٹرمپ سے آئین معطل کر کے مارشل لاء لگانے اور فوج سے دوبارہ انتخابات کروانے کا مطالبہ کر دیا۔

ٹرمپ کی انتخابی دھاندلی ثابت کرنے کی ناکام کوشش

امریکی صدر ڈونلڈ ٹرمپ صدراتی انتخابات میں اپنی شکست تسلیم نہ کرتے ہوئے انتخابات میں دھاندلی ثابت کرنے کی ناکام کوششں کررہے ہیں۔

مائیکل فلین نے دائیں بازو کے گروپ کی پریس ریلیز کو ری ٹویٹ کیا ہے جس میں گروپ نے امریکی صدر سے ملک کا آئین عارضی طور پر معطل کرکے فوج بلانے اور فوج کی نگرانی میں صدارتی انتخابات کے دوبارہ انعقاد کا مطالبہ کیا اور بصورت دیگر ملک میں خانہ جنگی ہونے کا خطرہ بیان کیا ہے۔

فلن نے ری ٹویٹ میں لکھا کہ آزادی خدا کے سوا کسی کے آگے نہیں جھکتی۔

واضح رہے کہ امریکا کے 2016ء کے صدارتی انتخابات میں روس سے رابطوں میں ملوث سابق قومی سلامتی مشیر مائیکل فلن نے گزشتہ ہفتے امریکی صدر سے خصوصی معافی حاصل کی ہے۔