شہباز شریف اور حمزہ شہباز کی پیرول ختم، جیل روانہ

مسلم لیگ ن کے صدر اور قومی اسمبلی میں قائد حزبِ اختلاف شہباز شریف اور حمزہ شہباز کی پیرول ختم ہوگئی، دونوں کو جیل روانہ کردیا گیا ہے۔

مسلم لیگ ن کے صدرشہباز شریف اورحمزہ شہباز کو الگ الگ گاڑیوں میں جیل لےجایا گیا۔

یاد رہے کہ شہبازشریف اور حمزہ شہباز کو 27نومبر کو پیرول پر رہا کیا گیا تھا۔

شہباز اور حمزہ کے پیرول میں ایک روز کی توسیع

پنجاب حکومت کی جانب سے مسلم لیگ نون کے صدر اور قومی اسمبلی میں قائدِ حزبِ اختلاف میاں محمد شہباز شریف اور ان کے صاحبزادے پنجاب اسمبلی میں قائدِحزبِ اختلاف حمزہ شہباز شریف کی پیرول پر رہائی میں توسیع کر دی گئی۔

حکومت پنجاب نے گزشتہ روز ان کی رہائی میں 24 گھنٹے کی توسیع کی تھی۔ 

شہباز شریف اور حمزہ شہباز کو بیگم شمیم اختر کے انتقال کےباعث پیرول پر رہا کیا گیا تھا۔

ذرائع کے مطابق دونوں باپ بیٹے کو سخت سکیورٹی میں جیل پہنچایا جارہا ہے۔