آپ آف لائن ہیں
ہفتہ9؍جمادی الثانی 1442ھ 23؍جنوری 2021ء
  • بانی: میرخلیل الرحمٰن
  • گروپ چیئرمین و ایگزیکٹوایڈیٹر: میر جاوید رحمٰن
  • گروپ چیف ایگزیکٹووایڈیٹرانچیف: میر شکیل الرحمٰن
Jang Group

شان نے تمام کرپٹ سیاستدانوں کو ملکی سیاسی تاریخ کا بدنما داغ قرار دیدیا

لاہور(مانیٹرنگ ڈیسک) پاکستانی فلم انڈسٹری کے اداکار شان شاہد نے اسحاق ڈار اور اُن جیسےتمام کرپٹ سیاستدانوں کو ملکی سیاسی تاریخ کا بدنما داغ قرار دیتے ہوئے وزیر اعظم سے مطالبہ کیا کہ دیوارِ بے شرمی بنا کر اُس پر ایسے لوگوں کے نام لکھے جائیں۔ اداکار نے سماجی رابطے کی ویب سائٹ ٹویٹر پر اپنا پیغام جاری کیا جس میں انہوں نے اسحاق ڈار کو مخاطب کرتے ہوئے لکھا کہ ’آپ اپنے وجود کی گہرائی تک بے شرم ہے‘۔اداکار نے اپنے بیان میں وزیراعظم کو مخاطب کرتے ہوئے مطالبہ کیا کہ اسحاق ڈار جیسے سیاست دانوں کو ملکی سیاسی تاریخ میں بدنما داغ تصور کرنا چاہیے۔انہوں نے اس خواہش کا اظہار کیا کہ ’پاکستانی ادارے ایسے لوگوں کا سخت احتساب کریں کیونکہ ایسے لوگ نہ صرف پاکستان کو بدنام کررہے ہیں بکہ ہمارے اقدار پر سوالیہ نشان بن چکے ہیں جن کے نزیک کرپشن کرنا ہی بڑی کامیابی ہے‘۔ اداکار شان نے لکھا کہ ’بدعنوانی میں ملوث افراد کو سلاخوں کے پیچھے ڈال کر اُن سے وہ تمام جائیداد اور مال واپس لینا چاہیے جو انہوں

نے اپنا ضمیر اور روح کو فروخت کر کے بنائے کیونکہ ایسے لوگوں کے جھوٹ سچ کے دامن کو تار تار کردیتے ہیں‘۔اداکار نے مطالبہ کیا کہ ایک دیوارِ بے شرمی بنا کر ایسے لوگوں کے نام اُس پر لکھے جانے چاہیں تاکہ قوم جان سکے کہ کوئی کتنا ہی مالدار کیوں نہ ہوجائے جھوٹ کی ہمیشہ ہار ہی ہوگی۔

دل لگی سے مزید