اسلام آباد(نمائندہ جنگ)وفاقی وزیر منصوبہ بندی ، ترقی و اصلاحات احسن اقبال نے کہا ہے کہ سیاسی استحکام کے بغیر ترقی ممکن نہیں ، ماضی میں ہم سیاسی میوزیکل چیئر میں پھنسے رہے ، وہ اسلام آباد میں مائیکرو سافٹ کی روزگارڈاٹ ورک کی تعارفی تقریب سے خطاب کر رہے تھے ، احسن اقبال نے کہا کہ اقتصادی راہداری دراصل پاکستان کے لئے توانائی راہداری ہے ۔ انہوں نے کہا کہ ملک میں روزگار تلاش کرنے والوں کی نہیں روزگار تخلیق کرنے والوں کی ضرورت ہے ، انہوں نے کہا کہ ملکی ترقی کے لیے مثبت سوچ لازم ہے ، مائیکرو سافٹ نے پاکستا ن کا پہلا روزگارانٹر پرینیور شپ پورٹل، روزگارڈاٹ ورک متعارف کرادیا ہے ۔ ۔Rozgar.Work کی تعارفی تقریب اسلام آباد کے مقامی ہوٹل میں ہوئی ۔اس موقع پر مائیکرو سافٹ پاکستان کے جنرل منیجر ندیم ملک نے کہا کہ یہ پروگرام پاکستان میں نوجوانوں کی صلاحیتوں میں اضافے اور انہیں بااختیار بنانے میں کلیدی کردار ادا کرے گا ۔
فرمان الہی
نماز کے اوقات
