فرمان الہی
نماز کے اوقات
تل ابیب (جنگ نیوز )اسرائیل نے خبردار کیا ہے کہ ایران بیرون ملک اس کی تنصیبات کو نشانہ بنا سکتا ہے۔ یہ انتباہ ایران کے ایک سینئر جوہری سائنس دان کے قتل کے بعد سے تہران کی جانب سے جاری کی گئی نئی دھمکیوں کے بعد سامنے آیا ہے۔انسداد دہشت گردی کے اسرائیلی دفتر نے خبردار کیا کہ ایران نزدیکی ممالک میں اسرائیلی مفادات اور شہریوں پر حملے کر سکتا ہے۔جاری بیان میں کہا گیا کہ حالیہ عرصے میں ایرانی ایجنٹوں کی جانب سے جاری دھمکیوں کی روشنی میں جب کہ ماضی میں ایرانی ایجنٹس مختلف ممالک میں دہشت گرد حملوں میں ملوث رہ چکے ہیں ، اس بات کی گہری تشویش ہے کہ ایران اب اسرائیلی اہداف کے خلاف بھی اسی طریقے کو اپنانے کی کوشش کرے گا۔
