نیوزی لینڈ: پاکستان کرکٹ اسکواڈ کی آخری کورونا وائرس ٹیسٹنگ کل ہوگی

نیوزی لینڈ میں موجود پاکستان کرکٹ اسکواڈ کے ممبران کی آخری کورونا وائرس ٹیسٹنگ کل ہوگی۔

تفصیلات کے مطابق آخری کورونا وائرس ٹیسٹنگ کے رزلٹ کے بعد پاکستان کرکٹ اسکواڈ آئسولیشن ختم کرسکے گا۔

پاکستان کرکٹ اسکواڈ کے 54 میں سے 44   ارکان نے مسلسل چار کورونا وائرس ٹیسٹ کلیئر کیے ہیں جبکہ پاکستان ٹیم کو آئیسولیشن مکمل کرنے کے بعد 8 دسمبر کو کوئنز ٹاؤن روانہ ہونا ہے۔

نیوزی لینڈ حکام کا پاکستان کرکٹ ٹیم کو ٹریننگ کی اجازت دینے سے انکار

نیوزی لینڈ میں موجود پاکستان کرکٹ ٹیم کو نیوزی لینڈ حکام نے ٹریننگ کی اجازت دینے سے انکار کردیا، پاکستان کرکٹ ٹیم کو آئیسولیشن مدت مکمل کرنے تک ٹریننگ کی اجازت نہیں ہوگی۔

قومی کرکٹ اسکواڈ کی 9ویں روز کی کووڈ19 ٹیسٹنگ مکمل

نیوزی لینڈ میں موجودقومی کرکٹ اسکواڈ کی 9 ویں روزکی کووڈ 19 ٹیسٹنگ مکمل ہوگئی جن کی رپورٹس کا اعلان نیوزی نیوزی لینڈ کی وزارت صحت کرے گی۔

کرائسٹ چرچ سے کوئنز ٹاؤن روانگی سے قبل کرکٹرز کا معمول کا ہیلتھ چیک بھی ہوگا۔

واضح رہے کہ پاکستانی کرکٹرز نے آج معمول کے مطابق مینیجڈ آئسولیشن میں چہل قدمی کی۔