شوبز چھوڑنے میں تاخیر کردی، زینب جمیل

گزشتہ روز اسلام کی خاطر اداکاری و ماڈلنگ سے کنارہ کشی اختیار کرنے کا اعلان کرنے والی زینب جمیل کا کہنا ہے کہ اُنہوں نے تین سال قبل قرآن پاک کی تعلیم حاصل کرنا شروع کی تھی لیکن اُنہوں نے شوبز چھوڑنے کے اعلان  میں تاخیر کردی۔

سابقہ اداکارہ و ماڈل زینب جمیل نے اپنے انسٹاگرام اکاؤنٹ پر اسٹوری شیئر کی جس میں اُنہوں نے اپنے زندگی کا سب سے بڑا فیصلہ لینے کے بارے میں تفصیل بتائی۔

زینب جمیل نے اپنی انسٹا اسٹوری میں کہا کہ ’جو لوگ مجھ سے یہ پوچھ رہے ہیں کہ میں نے اچانک شوبز چھوڑنے کا فیصلہ کیوں کیا تو میں اُن کو بتانا چاہتی ہوں کہ میں نے اپنے اس فیصلے کا اعلان کرنے میں تھوڑی تاخیر کردی۔‘

اُنہوں نے کہا کہ ’تاخیر کی وجہ شاید یہ تھی کہ میں اس فیصلے پر قائم رہنے کے لیے پوری طرح سے تیار نہیں تھی اور میں اُن سوالوں کے جواب تلاش کر رہی تھی تو میرے دماغ میں بہت عرصے سے جنم لے رہے تھے۔‘

سابقہ اداکارہ نے کہا کہ ’میں نے تین سال قبل قرآن پاک تفسیر سے پڑھنا شروع کیا تھا اور میں اس کے لیے اپنی استاد کا شکریہ ادا کرنا چاہتی ہوں جنہوں نے ناصرف مجھے قرآنی تعلیم دی بلکہ میرے سوالوں کے جواب بھی دیے۔‘

خوبرو اداکارہ زینب جمیل نے اسلام کی خاطر شوبز چھوڑ دیا

پاکستانی ڈراموں سے شہرت پانے والی معروف اداکارہ و ماڈل زینب جمیل نے اسلام کی خاطر شوبز چھوڑنے کا اعلان کردیا۔

زینب جمیل نے کہا کہ ’مجھے اپنے کام سے پیار تھا لیکن میں سوچتی تھی کہ میرے اس کام میں کسی چیز کی کمی ہے، یہ وہ نہیں ہے جو مجھے کرنا ہے لہٰذا اتنے سوچنے سمجھنے کے بعد میں نے شوبز چھوڑ کر اسلامی تعلیمات کے مطابق زندگی گُزارنے کا فیصلہ کیا۔‘

سابقہ اداکارہ نے یہ بھی کہا کہ ’میں اپنے الفاظ سے کسی بھی اداکار کا دل نہیں دُکھانا چاہتی ہوں، میں نے صرف اپنے ایمان کی خاطر اداکاری چھوڑی ہے اس کے علاوہ کوئی دوسری وجہ نہیں ہے۔‘

بھارتی اداکارہ ثناء خان نے اسلام کی خاطر شوبز چھوڑ دیا

بگ باس سیزن 6 سے شہرت پانے والی بالی وڈ کی معروف اداکارہ ثناء خان نے اسلام کی خاطر شوبز انڈسٹری چھوڑنے کا اعلان کردیا ہے، اس موقع پر ثناء خان کا کہنا تھا کہ اب وہ اپنی زندگی انسانیت کی خدمت میں اور اللّہ تعالیٰ کے احکامات کے مطابق گُزاریں گی۔

آخر میں اُنہوں نے کہا کہ ’میں اُن تمام پروڈیوسرز اور ہدایتکاروں کی شُکرگزار ہوں جنہوں نے میرے اس فیصلے کو سراہا اور میرا ساتھ دیا۔‘

یاد رہے کہ زینب جمیل نے اپنی حالیہ انسٹاگرام پوسٹ میں بتایا تھا کہ ’میں فخر سے اس بات کا اعلان کر رہی ہوں کہ میں نے اداکاری اور ماڈلنگ چھوڑ دی ہے۔‘

سابقہ اداکارہ و ماڈل نے اس موقع پر اللّہ تعالیٰ کا شکریہ ادا کرتے ہوئے کہا تھا کہ ’الحمدللّہ، اللّه پاک نے مجھے قرآن و حدیث کی تعلیم حاصل کرنے کا شرف بخشا ہے۔‘

اُنہوں نے کہا تھا کہ ’میں اب اپنی زندگی اسلامی تعلیمات کے مطابق بسر کرتے ہوئے دین اسلام کی زیادہ سے زیادہ تعلیم حاصل کروں گی۔‘

انعم ملک نے اسلام کی خاطر ماڈلنگ چھوڑ دی

پاکستان فیشن انڈسٹری کی معروف ماڈل انعم ملک نے ہمیشہ کے لیے ماڈلنگ کی دُنیا سے کنارہ کشی اختیار کرتے ہوئے دین اسلام کے مطابق زندگی گزارنے کا فیصلہ کر لیا ہے۔

واضح رہے کہ زینب جمیل نے جیو انٹرٹینمنٹ کے متعدد ڈراموں میں کام کیا ہے جن میں سدا سکھی رہو،سُسرال میری بہن کا، منچلی، مل کے بھی ہم نہ ملے اور آپ کی کنیز سمیت دیگر ڈرامے شامل ہیں۔