آپ آف لائن ہیں
جمعہ13؍ رجب المرجب 1442ھ 26؍فروری2021ء
  • بانی: میرخلیل الرحمٰن
  • گروپ چیف ایگزیکٹووایڈیٹرانچیف: میر شکیل الرحمٰن
Jang Group

بلاول بھٹو کا اعجاز شاہ کے انتقال پر اظہار افسوس

چیئرمین پاکستان پیپلز پارٹی (پی پی پی) بلاول بھٹو زرداری نے مشیر وزیر اعلیٰ سندھ اعجاز شاہ شیرازی کے انتقال پر دکھ و افسوس کا اظہار کیا ہے۔

بلاول بھٹو نے شیرازی خاندان سے دلی ہمدردی و تعزیت کا اظہار کیا ہے

بلاول بھٹو زرداری نے کہا کہ اعجاز شاہ شیرازی کا ناگہانی انتقال باعثِ صدمہ ہے، مرحوم اعجاز شاہ شیرازی ہردلعزیز اور معتدل مزاج شخصیت کے مالک تھے۔

خیال رہے کہ وزیر اعلی سندھ مراد علی شاہ کے مشیر سید اعجاز علی شاہ شیرازی عالمی وبا کورونا وائرس کے باعث کراچی میں انتقال کر گئے ہیں۔

اعجاز شاہ کافی عرصے سے کورونا وائرس کے باعث کراچی آغا خان اسپتال میں داخل تھے۔


سید اعجاز علی شاہ شیرازی ایم پی اے سید ریاض شاہ ایم این اے ایاز شاہ کے والد اور ایم پی اے شاہ حسین شاہ کے چچا تھے۔

قومی خبریں سے مزید