کراچی میں کورونا کا شکار ایک اور پولیس اہلکار جاں بحق

کراچی میں کورونا کا شکار ایک اور پولیس اہلکار جاں بحق ہو گیا، سب انسپکٹر خالد اقبال جناح اسپتال میں زیر علاج تھے۔

کورونا سے اب تک سندھ پولیس کے 22 اہلکار انتقال کرچکے ہیں۔

کورونا وائرس چوبیس گھنٹوں میں مزید اکہتر زندگیاں لے گیا، مزید دو ہزار سات سو انتیس افراد میں کورونا کی تصدیق ہو گئی۔

چوبیس گھنٹوں کے دوران کورونا کے اکتالیس ہزار چار سو چھبیس ٹیسٹ کیے گئے، کورونا ٹیسٹ مثبت آنے کی شرح چھ اعشاریہ پانچ فیصد رہی، چوبیس سو سے زائد مریض تشویش ناک حالت میں ہیں۔

کورونا سے متاثرہ طبی عملے کی تعداد گیارہ ہزار سے بڑھ گئی، سب سے زیادہ سندھ میں تین ہزار دو سو چار ہیلتھ کیئر ورکرز وائرس میں مبتلا ہوئے۔