فرمان الہی
نماز کے اوقات
کراچی (اسٹاف ر پو ر ٹر)پاکستان پیپلزپارٹی کے چیئرمین بلاول بھٹو زرداری نے ہفتہ کی شام بلوچستان نیشنل پارٹی کے چیئرمین سردار اختر مینگل کی رہائش گاہ جاکر ان سے ملک کی تازہ ترین سیاسی صورت حال پر تبادلہ خیال کیا۔ بلاول بھٹو زرداری اور سردار اختر مینگل کے درمیان پاکستان ڈیموکریٹک موومنٹ کی حکومت مخالف تحریک کے حوالے سے بھی گفتگو ہوئی ۔بلاول بھٹو زرداری نے کہا کہ بلوچستان کے وسائل پر سب سے پہلے بلوچ عوام کا حق ہے۔بلاول بھٹو زرداری نے سردار اختر مینگل کو شہید محترمہ بے نظیر بھٹو کے یوم شہادت پر گڑھی خدا بخش میں ہونے والے جلسے میں شرکت کی دعوت دی۔ بلاول بھٹو زرداری اور سردار اختر مینگل کے درمیان بلوچستان کی سیاسی و سماجی صورت حال پر بھی تفصیلی تبادلہ خیال کیا گیا۔
