فرمان الہی
نماز کے اوقات
کراچی ( اسٹاف رپورٹر) چیئرمین پیپلز پارٹی بلاول بھٹو زرداری نے کہا کہ قوم کی اجتماعی ذمہ داری ہے کہ وہ قائد اعظم کے خواب کو سمجھے، ملک کو سلیکٹڈ وکٹھ پتلیوں کیلئے ٹریننگ کی فیکٹری بنانے کی بجائے مضبوط قیادت کی ضرورت ہے۔ پیپلزپارٹی کے چیئرمین بلاول بھٹونے قائداعظم محمد علی جناح کے 145 ویں یوم پیدائش پر اپنے پیغام میں کہا کہ متحدہ ہندوستان کے مسلمانوں کیلئے الگ ملک بنانے والے لیڈر کو خراج عقیدت پیش کرتے ہیں۔ بلاول بھٹو نے کہا کہ ایسی قیادت جو پاکستان کیلئے قائداعظم کے جمہوری نظریات کی پاسداری کرے، قائد اعظم کے مشن کو ابھی پائیہ تکمیل پر پہنچانا باقی ہے۔چیئرمین پی پی پی نے اپنے پیغام میں مزید کہا کہ پیپلزپارٹی اسی نظریہ پاکستان کی حقیقی علمبردار ہے، جسکے خالق قائداعظم تھے۔
