• بانی: میرخلیل الرحمٰن
  • گروپ چیف ایگزیکٹووایڈیٹرانچیف: میر شکیل الرحمٰن

بورس جانسن کے والد کا فرانسیسی شہریت لینے کا اعلان

تازہ ترین
بین الاقوامی خبریں
01 جنوری ، 2021


برطانوی وزیرِ اعظم بورس جانسن کے والد اسٹینلی جانسن برطانیہ کی یورپی یونین سے علیحدگی کے بعد فرانس کی شہریت لے لیں گے۔

غیر ملکی میڈیا رپورٹس کے مطابق بورس جانسن کے والد اسٹینلی جانسن کا کہنا ہے کہ بریگزٹ کے بعد بھی یورپی یونین سے تعلقات برقرار رکھنا چاہتے ہیں، اسی لیے فرانسیسی پاسپورٹ کے حصول کے لیے درخواست دوں گا۔

خیال رہے کہ 80 سالہ اسٹینلی جانسن پورپی پارلیمنٹ کے ممبر رہ چکے ہیں۔ برطانیہ میں یورپی یونین سے علیحدگی سے متعلق 2016 میں ہونے والے ریفرنڈم میں اسٹینلی جانسن نے بریگزٹ کی مخالفت میں ووٹ دیا تھا۔

یہ بھی پڑھیے


گزشتہ روز اسٹینلی جانسن نے کہا کہ وہ فرانس کے شہری بننا چاہتے ہیں کیوں کہ ان کے فرانس سے بہت گہرے خاندانی تعلقات ہیں۔

انہوں نے کہا  کہ ’یہ بات تو یقینی ہے کہ میں ہمیشہ یورپی شہری رہوں گا۔ کوئی برطانوی شہریوں کو یہ نہیں کہہ سکتا کہ وہ یورپی نہیں ہیں۔‘

انہوں نے اس بات پر بھی زور دیا کہ برطانیہ کے لیے یورپی یونین سے تعلقات بہت ضروری ہیں۔

اسٹینلی جانسن نے فرانسیسی زبان میں گفتگو کرتے ہوئے کہا کہ اسٹینلی جانسن کی والدہ اور نانا دونوں فرانسیسی شہری تھے۔

تازہ ترین