فرمان الہی
نماز کے اوقات
متحدہ عرب امارات (یو اے ای) کے وزیرِ رواداری و بقائے باہمی شیخ نہیان بن مبارک النہیان خیر پور پہنچ گئے، جہاں ان کی وزیرِ داخلہ محسن نقوی سے ملاقات ہوئی ہے۔
شیخ نیہان بن مبارک النہیان کی خیرپور آمد کے موقع پر وزیرِ داخلہ محسن نقوی نے ان کا پرتپاک استقبال کیا، متحدہ عرب امارات کے سفیر سالم محمد الزابی، وزیرِ مملکت عبدالرحمن کانجو بھی اس موقع پر موجود تھے۔
دونوں رہنماؤں نے متحدہ عرب امارات کے قومی دن کی مناسبت سے مل کر کیک کاٹا، محسن نقوی نے یو اے ای کے قومی دن پر شیخ نہیان بن مبارک النہیان کو مبارکباد پیش کی۔
ملاقات میں دو طرفہ تعاون کے فروغ، باہمی دلچسپی کے امور اور مشترکہ اقدامات پر تبادلۂ خیال کیا گیا۔
شیخ نہیان بن مبارک نے کہا کہ پاکستان آمد پر پُرتپاک خیر مقدم پر خوشی ہوئی۔
محسن نقوی نے کہا کہ پاکستان اور یو اے ای کے درمیان برادرانہ تعلقات باہمی اعتماد، احترام اور دیرینہ رفاقت پر قائم ہیں، دو طرفہ تعلقات کو مزید مضبوط بنانے کے لیے دونوں ممالک کا عزم غیر متزلزل ہے۔
