فرمان الہی
نماز کے اوقات
رہنما مسلم لیگ ن احسن اقبال کا کہنا ہے کہ وزیر اعظم عمران خان کے پاس 31 جنوری تک مہلت ہے، استعفیٰ دیدیں۔
پاکستان مسلم لیگ ن کے جنرل سیکریٹری احسن اقبال نے نیب عدالت کے باہر گفتگو کرتے ہوئے کہا کہ شہباز شریف کو گرفتار ہوئے سو دن ہوچکے ہیں حکومت ایک پائی برآمد نہیں کرسکی۔
انہوں نے کہا کہ خواجہ آصف اور شہباز شریف کے اثاثے ڈیکلئیر ہیں، جن اپارٹمنٹس پر مقدمہ چلایا جارہا ہے اُن کی قیمت چند کروڑ ہے، نیب لندن میں فلیٹ کی قیمت سے زیادہ رقم کیس میں ہارگئی ہے۔
احسن اقبال نے کہا کہ نیب کی ناکامی پر مقدمہ کون چلائے گا۔
اُن کا کہنا ہے کہ حکومت امن و امان قائم کرنے میں ناکام ہوچکی ہے، وزیر داخلہ انٹرنل سکیورٹی پر توجہ دیں، اسلام آباد میں نوجوان کا قتل ہوا مچھ میں کان کن مارے گئے۔
احسن اقبال نے کہا کہ حکومت کا کام دہشت گردی کو روکنے کا ہے، موجودہ حکومت نے جتنا نقصان کردیا نئی حکومت کو ٹھیک کرنے میں چار سے پانچ سال لگیں گے۔
انہوں نے کہا کہ اب دفاعی بجٹ بڑھانا پڑا تو تعلیم اور صحت کی مد سے پیسہ نکالنا پڑے گا، پنجاب کا چپہ چپہ شہباز شریف کی خدمات کی گواہی دے رہا ہے، پی ڈی ایم کی تحریک کسی غیر ملکی سہارے سے نہیں چل رہی۔
احسن اقبال نے مزید کہا کہ فارن فنڈنگ کا کیس جب بھی کھلے گا عمران خان اور پی ٹی آئی دونوں جائیں گے۔
